2017 წლის ბიუჯეტი არის განვითარებაზე, ფისკალურ მდგრადობაზე ორიენტირებული, - ამის შესახებ საპარლამენტო უმრავლესობის ლიდერმა, არჩილ თალკვაძემ პარლამენტის დღევანდელ პლენარულ სხდომაზე განაცხადა.

თალაკვაძის განცხადებით, 2017 წლის ბიუჯეტი, რომელიც უკვე დამტკიცდა, არის განვითარებაზე, ფისკალურ მდგრადობაზე ორიენტირებული და ასეთია  სავალუტო ფონდის შეფასებაც, რომელიც უკვე გამოეხმაურა ბიუჯეტის ახალ პროექტს. მისივე თქმით, პრიორიტეტები თანხმობაშია მთავრობისა და პრემიერ-მინისტრის 4-პუნქტიან გეგმასთან.

„მოდით, კიდევ ერთხელ ვნახოთ, რა შედის დაფინანსებულ სფეროებს შორის პირველ ათეულში: ჯანდაცვა, ინფრასტრუქტურის გაუმჯობესება, განათლება, მუნიციპალიტეტები, პოლიცია და მართლწესრიგი, ეკონომიკა, თავდაცვა. რეალურად ჯანდაცვაში ჩვენ გვაქვს ზრდა, განათლებაში გვაქვს ზრდა, ინფრასტრუქტურის გაუმჯობესებაში ჩვენ გვაქვს მნიშვნელოვანი ზრდა ბიუჯეტის თვალსაზრისით და ეს პრიორიტეტები თანხმობაშია მთავრობისა და პრემიერ-მინისტრის 4-პუნქტიან გეგმასთან“,-აღნიშნა თალაკვაძემ.

თალაკვაძემ ოპოზიციას მიმართა და დაინტერესდა, თუ რას არ ეთანხმებით ამ 4-პუნქტიან გეგმაში. მისივე თქმით, ეკონომიკა მუშაობს და კიდევ უფრო სწრაფად ამუშავდება 2017 და შემდგომ წლებში.

​„არ ეთანხმებით განათლების რეფორმას, სივრცით მოწყობას, თუ ეკონომიკურ რეფორმას. მმართველობით რეფორმებს პირდაპირ ეთანხმებით, რადგან თქვენს მესიჯებში პირდაპირ ჩანს მოთხოვნა ამ რეფორმებზე. ამიტომ ეს არის ბიუჯეტში ასახული და ამას აუცილებლად ბოლომდე წარმატებით მივიყვანთ. ასევე, თქვენ ნახეთ დადასტურებული მაჩვენებლები, რომ მთლიანი შიდა პროდუქტი იზრდება. საინტერესოა მაშინ თქვენი კონტრარგუმენტი, რომ ეკონომიკა არის შეჩერებული, როგორ მუშაობს, თუ მთლიანი შიდაპროდუქტი იზრდება, თუ ინვესტიციები იზრდება, როგორ ხდება ეს ყველაფერი შეჩერებული ეკონომიკის ფონზე. რეალურად ეკონომიკა მუშაობს და კიდევ უფრო სწრაფად ამუშავდება 2017 და შემდგომ წლებში“,-განაცხადა თალაკვაძემ.

ცნობისთვის, 102 ხმით 10-ის წინააღმდეგ, საქართველოს პარლამენტმა 2017 წლის სახელმწიფო ბიუჯეტი დაამტკიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით