"ერთიანი ნაციონალური მოძრაობის" დეპუტატ ირაკლი აბესაძის განცხადებით, გივი თარგამაძის აფეთქების საქმე დღემდე ბურუსითაა მოცული.

აბესაძემ კოლეგებს სთხოვა,  საქართველოს პროკურატურას არ მისცენ უფლება, დეპუტატის წინააღმდეგ ჩადენილი დანაშაული „მიჩქამალოს“:

"მინდა განცხადება გავაკეთო, გივი თარგამაძის ავტომობილის აფეთქების შესახებ, რომელზეც წინასაარჩევნოდ კომენტარები არ დაიშურა პროკურატურამ და მმართველმა გუნდმა. გაკეთდდა განცხადებები უკრაინული კვალის და კონკრეტული ბრალდებული პირების შესახებ, თუმცა არ თქმულა მოტივები და საქმე აღიძრა განზრახ მკვლელობის მიმართულებით, მაშინ როდესაც აშკარად შეინიშნებოდა ტერორიზმის ნიშნები და ამ ყველაფერზე არჩევნების შემდეგ ისმის მხოლოდ დუმილი.

არ ცნო ადამიანი დაზარალებულად ნიშნავს არ მისცე მას უფლება გაეცნოს საქმის მასალებს და მიმდინარეობას, ჩართული იყოს თავისი ადვოკატი. დღემდე საქმის მასალები არც გივი თარგამაძეს და ბრადებული მხარის წარმომადგენელს არ გააცნეს და საქმე არის სრულიად ბურუსით მოცული.

მინდა გთხოვოთ თქვენც, კოლეგებსაც, ნუ მივცემთ საქართველოს პროკურატურას უფლებას მიჩქმალოს დანაშაული ჩადენილი ჩვენი კოლეგის და საქართველოს ინტერესების წინააღმდეგ, რომელსაც მოქალაქეების ჯანმრთელობაც შეეწირა და მოვთხოვოთ შესაბამის ორგანოებს ეფექტური, სწორი გამოძიება და კითხვებზე პასუხის გაცემა.

სხვა შემთხვევაში აქ ნათლად იკვეთება წინასაარჩევნო პოლიტიკური მიზნები რომელსაც ასევე აუცილებელია, რომ პასუხები გაეცეს",-აღნიშნა აბესაძემ პარლამენტის პლენარულ სხდომაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით