ჩოკორაია: საკონსტიტუციო კომისიის უმრავლესობას ინარჩუნებს ხელისუფლება და პროცესი შეიძლება ფორმალურ პროცესს დაემსგავსოს

2016-12-12 19:16:52, 1333 ნახვა

პოლიტიკა

ფაქტობრივად, საკონსტიტუციო კომისიის აბსოლუტურ უმრავლესობას ინარჩუნებს მოქმედი ხელისუფლება და პროცესი შეიძლება დაემსგავსოს ფორმალურ პროცესს, - ამის შესახებ კონსტიტუციონალისტმა კოტე ჩოკორაიამ "კურიერის" ეთერში განაცხადა.

როგორც მან აღნიშნა, კარგი იქნებოდა, თუ კომისიაში ფართო საზოგადოებრივი წარმომადგენლობა ყოფილიყო ჩართული და მასში პრეზიდენტის ჩართულობა ყოფილიყო მნიშვნელოვანი.

„პრეზიდენტის დღევანდელი გადაწყევტილება გამომდინარეობს იქედან, რომ საკონსტიტუციო კომისიის მუშაობა შეიძლება იყოს ფორმალური“, - განაცხადა ჩოკორაიამ.

მან აქვე აღნიშნა, რომ პრეზიდენტსა და მოქმედ ხელისუფლებას შორის პოლიტიკური დაპირისპირება უკვე დიდი ხანია არსებობს და აღნიშნული მოვლენები ამის ერთგვარი გაგრძელებაა, რაც მისივე თქმით, სრულად დაუშვებელია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან