პარლამენტთან მიმდინარე აქციაზე ორი პირი დააკავეს

2016-12-10 18:32:59, 2621 ნახვა

სამართალი

თბილისში, პარლამენტის შენობის წინ, სადაც „თეთრი ხმაურის მოძრაობა“ ნარკოპოლიტიკის წინააღმდეგ საპროტესტო აქციას მართავს, ორი პირი დააკავეს.

როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, აქციის მონაწილეების დაკავება ადმინისტრაციულ სამართალდარღვევათა კოდექსის 173-ე მუხლით მოხდა, რაც პოლიციელის კანონიერი განკარგულებისადმი დაუმორჩილებლობას გულისხმობს.

ცნობისთვის, „თეთრი ხმაურის მოძრაობის“ აქციის მონაწილეები რუსთაველის გამზირის სავალი ნაწილის გადაკეტვას ცდილობენ, თუმცა მათ ამის საშუალება საპატრულო პოლიცია არ აძლევთ. აღნიშნულის გამო, ავტომობილების გადაადგილება შეფერახებულია.

შეგახსენებთ, „თეთრი ხმაურის მოძრაობა“ ნარკოტიკული საშუალებების დეკრიმინალიზაციის მოთხოვნით, პარლამენტის შენობის წინ აქციას მართავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან