„თეთრი ხმაურის მოძრაობა“ თბილისში, პარლამენტის შენობასთან აქციას „დეკრიმინალიზაცია 2016“ მართავს.

აქციის მთავარი მოთხოვნაა, ხელისუფლებამ წელსვე გამოაცხადოს მოხმარების დეკრიმინალიზაცია ნარკოპოლიტიკის ლიბერალიზაციის პროცესში დეკლარირებულ მიმართულებად და დაუყოვნებლივ დაიწყოს მუშაობა სადამსჯელო პოლიტიკის ჯანდაცვის მიდგომებით ჩანაცვლებაზე.

„მოძრაობას მიაჩნია, რომ სწორედ ეს თარიღი უნდა იქცეს 10 წლიანი რეპრესიული ნარკოპოლიტიკის სიმბოლური დასასრულის დღედ. ჩვენ, საზოგადოება, საბოლოდ ვაცხადებთ, რომ ამოიწურა დრო, როდესაც ადამიანებს ნარკოტიკული საშუალებების მოხმარების გამო სახელმწიფო პოლიტიკა საკუთარი ძალადობის ინსტრუმენტებად აქცევდა, სტატისტიკის, ბიუჯეტისა და ციხის შესავსებად იყენებდა.

აქციის მიზანია მოუწოდოს განახლებულ პარლამენტს და მასში შემავალ პოლიტიკურ პარტიებს დაიწყონ ქმედითი ნაბიჯების გადადგმა ნარკოპოლიტიკის ლიბერალიზაციის მიმართულებით წინასაარჩევნო დაპირებებისა და სამოქალაქო საზოგადოების მრავალწლიანი მოთხოვნების სისრულეში მოსაყვანად.

საზოგადოება უკვე დიდი ხანია შეთანხმდა მოხმარების დეკრიმინალიზაციაზე. ამ მიმართულებით “ნარკოპოლიტიკის ეროვნული პლატფორმის” ფარგლებში მზადდება საკანონმდებლო ინიციატივაც, რომელიც თეთრი ხმაურის მოძრაობას, პლატფორმაში გაერთიანებულ ორმოცამდე ორგანიზაციასთან ერთად, სადამსჯელო ნარკოპოლიტიკის ერთადერთ მართებულ ალტერნატივად მიაჩნია“, - ნათაქვამია „თეთრი ხმაურის მოძრაობის“ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მომავლის აკადემია: TV იმედს ComCom-თან ისევ ვუჩივით, მოვითხოვთ პასუხისმგებლობის დაკისრებას

გიგა ავალიანის დედას ნია იმნაძის ოჯახს სამედიცინო დოკუმენტების გაყალბებაში ადანაშაულებს

არაბულ კომპანიასთან გაფორმებული ხელშეკრულების გამო, ქართულ ოცნებას სასამართლოში უჩივლებენ

ევროპარლამენტმა კენჭი უყარა რეზოლუციას პუტინისთვის ტრიბუნალის შექმნის შესახებ