საქართველოს საგარეო საქმეთა მინისტრი მიხეილ ჯანელიძე საბერძნეთის რესპუბლიკის საგარეო უწყების ხელმღვანელს ნიკოს კოძიას შეხვდა.

საგარეო უწყების ინფორმაციით, შეხვედრაზე მინისტრებმა დაადასტურეს საბერძნეთისა და საქართველოს ტრადიციული პარტნიორული ურთიერთობები და ხაზი გაუსვეს  მიმდინარე წელს საბერძნეთსა და საქართველოს შორის დიპლომატიური ურთიერთობების დამყარებიდან 25 წლისთავის სათანადო აღნიშვნის მნიშვნელობას. მიხეილ ჯანელიძემ კოლეგა მინისტრი საიუბილეიო თარიღის აღსანიშნავად ოფიციალური ვიზიტით თბილისში მოიწვია.

ამასთან, შეხვედრაზე მინისტრებმა ხაზი გაუსვეს ორ ქვეყანას  შორის სხავდასხვა სფეროში თანამშრომლობის მაღალ პოტენციალს და ურთიერთობების შემდგომი გააქტიურების თვალსაზრისით მაღალი დონის პოლიტიკური კონსულტაციების გამართვის მნიშვნელობას. მიხეილ ჯანელიძემ აღნიშნა თბილისის მზაობა უმასპინძლოს საგარეო საქმეთა სამინისტროებს შორის პოლიტიკური კონსულტაციების მომდევნო რაუნდს.

გარდა ამისა, მინისტრებმა მიმოიხილეს  სავაჭრო-ეკონომიკურ სფეროში ურთიერთობების განვითარების შესაძლებლობები.  საბერძნეთის საგარეო საქმეთა მინისტრმა მზადყოფნა გამოთქვა ხელი შეუწყოს საბერნეთის ბიზნეს წრეებში საქართველოს შესაძლებლობების აქტიურ წარმოჩენას.

ნიკოს კოძიასმა დაადასტურა საბერძნეთის მხარდაჭერა საქართველოს ევროპული და ევრო-ატლანტიკური ინტეგრაციის პროცესისადმი და აღნიშნა, რომ საბერძნეთი ასევე მხარს უჭერს საქართველოსთვის ვიზალიბერალიზაციის მინიჭებას. ნიკოს კოძიასმა დაადასტურა საკუთარი მზადყოფნა ახლო მომავალში ეწვიოს თბილისს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით