საქართველოს თავდაცვის მინისტრის, ლევან იზორიას მტკიცებით, ყველა რეფორმა, რომელიც უწყებაში განხორციელდება, საქართველოს თავდაცვისუნარიანობის გაზრდისკენ იქნება მიმართული.

ამის შესახებ იზორიამ ჟურნალისტის კითხვაზე საპასუხოდ განაცხადა, რომელიც თანამშრომლების შესაძლო მასობრივ შემცირებასა და ადმინისტრაციული ხარჯების შემცირებას ეხებოდა.

იზორიას განმარტებით, საბრძოლო მზადყოფნის ასამაღლებლად გარკვეული ოპტიმიზაციაა საჭირო.

„ყველა რეფორმას, რომელსაც  თავდაცვის უწყებაში განვახორციელებთ, მიმართული იქნება ჩვენი თავდაცვისუნარიანობის გაზრდისკენ. ბუნებრივია, მოსახლეობის წინაშე, ვინც თავდაცვის სფეროს, თუ სხვა სფეროს აფინანსებს, ერთგვარი  პასუხისმგებლობა და  ვალდებულება გვაქვს, რომ თანხები რაციონალურად იყოს მიმართული, რათა ქვეყანას შეეძლოს თავისი თავის დაცვა  და მოსახლეობის დაცვა.ამ ეტაპზე, სწორედ იმისათვის, რომ ეს მზადყოფნა გაიზარდოს, ჩვენ ვთვლით,  აუცილებელია გარკვეული ოპტიმიზაცია.  საქართველო არ იქნება მხოლოდ გამონაკლისი. ასეთი ნაბიჯები  მთელმა რიგმა ქვეყნებმა გადადგეს, როდესაც გადაწყვიტეს მათი საბრძოლო მზადყოფნის ამაღლება, ზუსტად იგივე გზავნილები მოვისმინე ნატო-ს გენერალური მდივნისგან, როდესაც ნორვეგიაშიც დადგა  დღის წესრიგში საბრძოლო მზადყოფნის ამაღლება, მათაც მოუწიათ გარკვეული ოპტიმიზაციისკენ ნაბიჯების გადადგმა. ამიტომ,  ყველა რეფორმა, რომელსაც  ჩვენს სტრატეგიულ პარტნიორთან, ამერიკის შეერთებულ შტატებთან ერთად ვახორციელებთ, მიმართულია ჩვენი ეროვნული ინტერესებისკენ და ჩვენს ეროვნულ ინტერესებშია ის, რომ თანხები, რომლებიც თავდაცვის სისტემისთვისაა გათვალისწინებული, იყოს ჩვენი ხალხის, ჩვენი ეროვნული ინტერესების დასაცავად“, - განაცხადა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს