|
2016-12-04 10:18:08, 826 ნახვა
საზოგადოება
შსს-ში ოჯახური ძალადობის თემაზე შექმნილი სოციალური ვიდეორგოლის პრეზენტაცია გაიმართა
შინაგან საქმეთა მინისტრის მოადგილე შალვა ხუციშვილი ოჯახში ძალადობის თემაზე შექმნილი სოციალური ვიდეორგოლის პრეზენტაციას დაესწრო. შსს-ს ინფორმაციითმ ღონისძიება სოციალური კამპანიის - „ძალა ნდობას“ ფარგლებში გაიმართა, რომელსაც შს სამინისტრო ევროკავშირის მიერ დაფინანსებული პროექტის - „საქართველოს შინაგან საქმეთა სამინისტროს ხელშეწყობა ოჯახში ძალადობის წინააღმდეგ ბრძოლაში“ ფარგლებში ახორციელებს. მათივე ცნობით, პრეზენტაციას ასევე ესწრებოდნენ საქართველოში ევროკავშირის წარმომადგენლობის პროგრამის ხელმძღვანელი ქეთევან ხუციშვილი, საერთაშორისო ორგანიზაციების და სამოქალაქო სექტორის წარმომადგენლები. „ოჯახში ძალადობის წინააღმდეგ ბრძოლა კვლავ რჩება შსს-ს ერთ-ერთ პრიორიტეტად. შესაბამისად, ამ მიმართულებით არაერთი წარმატებული ნაბიჯი გადაიდგა. საინფორმაციო ხასიათის ვიდეორგოლი, რომლის პრეზენტაციაც დღეს გაიმართა, არის გზავნილი ძალადობის მსხვერპლებისთვის და მოქალაქეებისთვის, რომ ნდობით და ურთიერთდახმარებით შეგვიძლია ძალადობასთან გამკლავება და სიმშვიდის მოპოვება“, - აღნიშნა სიტყვით გამოსვლისას შს მინისტრის მოადგილემ. პრეზენტაციის დასასრულს შალვა ხუციშვილმა პოლიციელები, რომლებსაც ოჯახში ძალადობის წინააღმდეგ ბრძოლაში განსაკუთრებული წვლილი მიუძღვით, მადლობის სიგელებით დააჯილდოვა და სიმბოლური საჩუქრები გადასცა. პროექტის - „ძალა ნდობას“ მიზანია ოჯახში ძალადობის პრევენციის ხელშეწყობა და აღნიშნული დანაშაულის წინააღმდეგ ქვეყანაში მოქმედი სამართლებრივი მექანიზმების, სახელმწიფო და სხვა არსებული სერვისების შესახებ მოსახლეობის ცნობიერების ამაღლება.
კალაძე ოპოზიციას ისევ მოღალატეებს და მტრებს უწოდებს
ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი
მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF
სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ოდესაში, რუსული სამხედრო თავდასხმის შედეგად 16 ადამიანი დაშავდა
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)