"პატრიოტთა ალიანსის" ლიდერი და პარლამენტის ვიცე-სპიკერი ირმა ინაშვილი საარჩევნო სისტემის ცვლილებასთან დაკავშირებით პარლამენტში ინიცირებული კანონპროექტის დროულად მიღებას ითხოვს.

ინაშვილის თქმით, უმრავლესობა მაჟორიტარული სისტემის ცვლილებაზე მსჯელობის განახლებას არ აპირებს. 

,,ვხედავთ, რომ პარლამენტში უმრავლესობა არ აპირებს განაახლოს განხილვა საარჩევნო სისტემის ცვლილებაზე, კერძოდ კი მაჟორიტარული სისტემის გაუქმებაზე. ახლა, როგორც ვიცი, უნდა შექმნან საკონსტიტუციო კომისია, რომ ამ საკითხზე მუშაობა გააჭიანურონ. აღნიშნულთან დაკავშირებით თავის დროზე 200 ათასი ადამიანის ხელმოწერაც შეგროვდა. ისინი არ აპირებენ თავიანთი დანაპირების შესრულებას და სწორედ ამიტომ გვაქვს ასეთი სიტუაცია პარლამენტში. აუცილებლად უნდა დაიწყოს დროულად მსჯელობა ამ კანონზე თუ გვინდა, რომ მრავალპარტიული პარლამენტი გვქონდეს. ვატყობ, უმრავლესობა უმრავლესობაში ყოფნას კიდევ 70 წელი აპირებს", - განაცხადა ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს