ბათუმში მიმდინარე კეთილმოწყობის სამუშაოები აჭარის მთავრობის თავმჯდომარემ ზურაბ პატარაძემ ქალაქის მერთან გიორგი ერმაკოვთან ერთად დაათვალიერა.

აჭარის მთავრობის ინფორმაციით, ამ ეტაპზე ბაქოს ქუჩაზე საგზაო ინფრასტრუქტურის მოწესრიგება მიმდინარეობს. ჭავჭავაძის ქუჩიდან შავშეთის ქუჩამდე მონაკვეთში დაზიანებული ასფალტის საფარი აიყარა და ახალი ორფენიანი საფარის დაგება მიმდინარეობს. ასევე ბორდიურების გამოცვლა მიმდინარეობს. ტროტუარზე იგება ახალი დეკორატიული ფილები. მოეწყობა პანდუსები და უსინათლოთა ბილიკები.

აღნიშნულ მონაკვეთში დასრულებულია მიწისქვეშა სამუშაოები: უკვე შეცვლილია წყლის, საკანალიზაციო და სანიაღვრე სისტემები. ტერიტორიის სრული კეთილმოწყობა დეკემბრის ბოლოსთვის დასრულდება. პროექტის ღირებულება 903 ათას 820 ლარს შეადგენს. სარეაბილიტაციო სამუშაოებს ტენდერში გამარჯვებული შპს ,,ბონდი 2009" ასრულებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია

„ყველა სექტორში შენელება“ - რუსეთის ეკონომიკამ კვარტალი პირველად ვარდნით დაასრულა

ტრამპმა პუტინს მოუწოდა, უკრაინაში ომი შეეწყვიტოს და თქვა, რომ ის ირანის საზღვაო ბლოკადას ბირთვული შეთანხმების გარეშე არ მოხსნის