2016-11-22 15:57:33, 1198 ნახვა

---

ჯავახიშვილი: ვერ მივალთ იმ დრომდე, როცა არ დაგვჭირდება რომელიმე ადგილას ახალი შემადგენლობა

რეგიონული განვითარებისა და ინფრასტრუქტურის უკვე ყოფილი მინისტრი ნოდარ ჯავახიშვილი, სავარაუდოდ, მომავალ საქმიანობას საჯარო სამსახურში გააგრძელებს. ჯავახიშვილი არ აკონკრეტებს, სად იმუშავებს, თუმცა ამბობს, რომ ამაზე განცხადებას პრემიერი გააკეთებს:

„თუ სად გავაგრძელებ მოღვაწეობას, ამას აუცილებლად გეტყვით ის თანამდებობის პირი, რომელსაც ხელეწიფება ჩემი სადმე დანიშვნა. ვერ მივალთ ჩვენ იმ დრომდე, როცა არ დაგვჭირდება რომელიმე ადგილას ახალი შემადგენლობა. ვფიქრობ, სწორად ვიმუშავეთ, ასევე აფასებს ამას პრემიერი. გაჩნდა რაღაც გარკვეული საჭიროება, რომლის შესახებაც უახლეოს მომავალში გაიგებთ“,-აღნიშნა ნოდარ ჯავახიშვილმა.

კითხვაზე-გადაინაცვლებთ თუ არა აუდიტის სამსახურში ჯავახიშვილმა ასე უპასუხა:

„ვნახოთ, ყველაფერი შესაძლებელია“,-განაცხადა ჯავახიშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი