2016-11-16 10:43:32, 843 ნახვა

---

პრეზიდენტის ადმინისტრაცია: პარლამენტის პირველი სხდომის ჩატარების თარიღზე დეპუტატებისგან ნაჩქარევი განცხადებები კეთდება

საქართველოს პრეზიდენტის ადმინისტრაცია მე-9 მოწვევის პარლამენტის  პირველი სხდომის თარიღთან დაკავშირებით განცხადებას ავრცელებს.

ადმინისტრაციაში აღნიშნავენ, რომ პარლამენტის პირველი სხდომის ჩატარების სხვადასხვა თარიღთან დაკავშირებით დეპუტატებისგან  არაერთი ნაჩქარევი განცხადება გაკეთდა.

„ ზუსტი დრო მხოლოდ მაშინ გახდება ცნობილი, როდესაც ცესკო  არჩევნების შემაჯამებელ ოქმს გამოაქვეყნებს და პრეზიდენტი  შესაბამის სამართლებრივ აქტს გამოსცემს.

ცესკოს არჩევნების შემაჯამებელი ოქმი ჯერ არ გამოუქვეყნებია. შესაბამისად, კონკრეტული თარიღი და დრო უცნობია,  თუ როდის დანიშნავს საქართველოს პრეზიდენტი მეცხრე მოწვევის პარლამენტის პირველ სხდომას“,-ნათქვამია პრეზიდენტის ადმინისტრაციის განცხადებაში.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი