"ქართულ ოცნებას" ექნება 115 მანდატი, რაც ნიშნავს, იმას, რომ ისინი გააკეთებენ და გაიტანენ ყველაფერს რასაც საჭიროდ ჩათვლიან, - ამის შესახებ "ეროვნული ფორუმის" ერთ-ერთმა ლიდერმა ანი მიროტაძემ "ექსპრესნიუსს" განუცხადა.

ანი მიროტაძეს თქმით, არსებული პრაქტიკიდან გამომდინარე საკონსტიტუციო უმრავლესობა სამრთხის შემცველია.

"საკონსტიტუციო უმრავლესობა გულისხმობს ამ შემთხვევაში 115 მანდატს. ეს რა თქმა უნდა საფრთხის შემცველი არის ზოგადად პრაქტიკიდან გამომდინარე. ჩვენ გვაქვს გამოცდილება, რომ საკონსტიტუციო უმრავლესობის ანუ 119 მანდატის მქონე "ნაციონალურმა მოძრაობამ" საქართველოს ძალიან ბევრი დაუშავა და 2008-2012 წლის პერიოდში საქართველოში ძალიან ბევრი ცუდი რამ მოხდა, დაწყებული აგვისტოს ომით, საკონსტიტუციო ცვლილებებით და დასრულებული ციხეების ამბებით, დაშინებებით  და ა.შ.", - განაცხადა მიროტაძემ.

მისივე ვარაუდით, ერთი პოლიტიკური ძალა გონივრულ გადაწყვეტილებებს ვერ მიიღებს. 

"მე არ ვფიქრობ, რომ მხოლოდ ერთმა პოლიტიკურმა ძალამ, როგორი გონიერიც არ უნდა იყოს ის, იმდენად გონივრულად იმოქმედოს და მისი გადაწყვეტილებები სწორი იყოს, რომ აბსოლუტურად ასახოს გამოწვევები. ასევე ამ ხელისუფლებამ იმ ცდუნებას უნდა გაუძლოს, რომელიც ძალაუფლების ფლობის შემთხვევაში ემართება ხოლმე ხელისუფლებებს და პოლიტიკურ ძალებს", - აღნიშნა მიროტაძემ.

როგორც მიროტაძემ აღნიშნა, ხელისუფლების ქმედებები ქვეყნის წარმატებაზე აისახება.

"მე ვისურვებდი, რომ მათ გაეძლოთ ამ ცდუნებისთვის, იმიტომ, რომ ის ყველაფერი დამოკიდებული იქნება ჩემი ქვეყნის წარმატება/წარუმატებლობაზე. მე ვარ იმ ადამიანთა შორის, ვინც ფიქრობს, რომ აბსოლუტური უმრავლესობა ერთი კონკრეტული ძალის ხელში არის საფრთხის შემცველი", - განაცხადა ანი მიროტაძემ.   

"ეროვნული ფორუმის" წევრმა აღნიშნა, რომ მეორე ტური იყო ზუსტად ისეთივე, როგორიც პირველი ტური. 

"გამოყენებული იყო მთელი სახელისუფლო რესურსი, დაწყებული სოციალური დახმარების კომპონენტიდან დასრულებული დასაქმებულების დაშინება-დაშანტაჟებებით მთელი ქვეყნის მასშტაბით. სრულად აამუშავა საკუთარი რესურსი, გამოიყენა სახელისუფლო მანქანა, ამას დაუმატა ფინანსური რესურსი და მივიღეთ ის შედეგი რაც დღესაა", - განაცხადა მიროტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა