საქართველოს ფინანსთა მინისტრმა, ნოდარ ხადურმა, პარლამენტის მაჟორიტარული არჩევნების მეორე ტურში საკუთარი არჩევანი გააკეთა.

იგი გლდანის მე-20 მაჟორიტარული ოლქის (20.10.32) 32-ე საარჩევნო უბანზე შვილთან, ნიკოლოზ ხადურთან ერთად მივიდა.

ფინანსთა მინისტრმა მოსახლეობას მეორე ტურში აქტიური მონაწილეობისკენ მოუწოდა და აღნიშნა, რომ არჩევნების მეორე ტური  კიდევ ერთი ნაბიჯია დემოკრატიისკენ.

„ასეთი მასშტაბით, მეორე ტური საქართველოს ისტორიაში არ ჩატარებულა, როგორც იცით, პრაქტიკულად, მთელ საქართველოში დღეს არჩევნების მეორე ტურია. მაჟორიტარ კანდიდატებს ექნებათ ძალიან დიდი ლეგიტიმაცია - ისინი ამომრჩევლის ნახევარზე მეტის მხარდაჭერას მოიპოვებენ. მე ღრმად ვარ დარწმუნებული, რომ მაჟორიტარი კანდიდატები და ის პოლიტიკური ძალა, რომელიც პარლამენტში იქნება ძალიან დიდ უმრავლესობაში, სრულად გაამართლებს ამ ნდობას და საქართველო ოთხი წლის მერე იქნება თვისობრივად განსხვავებული ქვეყანა, ამიტომ მინდა ვთხოვო საქართველოს მოსახლეობას, ჩვენს თანამოქალაქეებს, რომ აუცილებლად მივიდნენ საარჩევნო უბნებზე და კიდევ ერთხელ გამოიჩინონ ძალიან დიდი მოქალაქეობრივი პასუხისმგებლობა და ხმა მისცენ იმ კანდიდატს, რომელიც მათი აზრით, უკეთეს, სწრაფადგანვითარებად, დემოკრატიულ, ჰუმანურ და ჰარმონიულ საქართველოს ჰპირდება", - განაცხადა ფინანსთა მინისტრმა, ნოდარ ხადურმა.

30 ოქტომბერს, პარლამენტის მაჟორიტარული არჩევნების მეორე ტური ტარდება. არჩევნების მეორე ტური 50 მაჟორიტარულ ოლქში იმართება, აქედან თბილისის 18 და რეგიონების 32 ოლქში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა

არაბთა გაერთიანებულ საამიროებში საჰაერო მიმოსვლაზე დაწესებული ყველა შეზღუდვა მოხსნეს

ზელენსკი: გუშინ ბელარუსის მხრიდან საზღვარზე საკმაოდ უჩვეულო აქტივობა შეინიშნებოდა, საჭიროების შემთხვევაში, რეაგირებას მოვახდენთ