2016-10-28 17:09:29, 839 ნახვა

---

„ოცნება“: „ნაცმოძრაობის“ წევრებმა კარალეთის შტაბში ჩვენს თანამშრომლებს ფიზიკური შეურაცხყოფა მიაყენეს

„ქართული ოცნების“ ინფორმაციით,  დღეს, „ნაციონალური მოძრაობის“ წევრები „ქართული ოცნების" კარალეთის შტაბში შეიჭრნენ და შტაბის თანამშრომლებს სიტყვიერი და ფიზიკური შეურაცხყოფა მიაყენეს.

აღნიშნულ ფაქტს „ქართული ოცნება“ „ნაციონალური მოძრაობის“ მიერ მოწყობილ მორიგ პროვოკაციას უწოდებს:

„დღეს „ნაციონალურმა მოძრაობამ“ საზოგადოებას კიდევ ერთხელ დაანახა საკუთარი სახე, რომ ძალადობა, პროვოკაციები და მუქარა არის მათი მოქმედების სტილი.

"ქართული ოცნება“ მოუწოდებს თავის წევრებს, აქტივისტებსა და მხარდამჭერებს, არ აყვნენ მსგავს პროვოკაციებს.

ჩვენ კიდევ ერთხელ ვაცხადებთ, რომ ჩვენი მიზანია, არჩევნების მეორე ტური ჩატარდეს მშვიდობიან, თავისუფალ და დემოკრატიულ გარემოში“,-ნათქვამია „ქართული ოცნების“ განცხადებაში.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი