2016-10-24 11:51:24, 1874 ნახვა

---

მღებრიშვილი: ყველა იმ ადამიანის პირადი მტერი ვიქნები, ვინც ხელს აღმართავს ქალზე, ბავშვზე, მოხუცზე

ყველა იმ ადამიანის პირადი მტერი ვიქნები, ვინც აღმართავს ხელს ქალზე, ბავშვზე, მოხუცზე, - ამის შესახებ საქართველოს შინაგან საქმეთა მინისტრმა გიორგი მღებრიშვილმა ოჯახში ძალადობის წინააღმდეგ სოციალური კამპანიის პრეზენტაციაზე განაცხადა.

აღსანიშნავია, რომ ოჯახში ძალადობის წინააღმდეგ კამპანია შს მინისტრის ინიციატივით დაიწყო. კამპანია ევროკავშირის მიერ დაფინანსებული პროექტის "საქართველოს შს სამინისტროს ხელშეწყობა, ოჯახში ძალადობის წინააღმდეგ ბრძოლაში" ფარგლებში ხორციელდება.

კამპანიის მიზანი, ოჯახში ძალადობის პრევენციის ხელშეწყობა და დანაშაულის წინააღმდეგ ქვეყანაში მოქმედი სამართლებრივი მექანიზმების, სახელმწიფო თუ სხვა არსებული სერვისების შესახებ მოსახლეობის ცნობიერების ამაღლებაა.

ღონისძიებას ოჯახში ძალადობის მსხვერპლები და სხვადასხვა არასამთავრობო ორგანიზაციების წარმომადგენლები ესწრებიან.

“არ შეშინდეთ, არ გაუჩუმდეთ ოჯახში ძალადობას, მთელი ჩვენი უწყება 40 000 ადამიანი თქვენს გვერდით ვართ, იმისთვის რომ დაგიცვათ”,- განაცხადა მღებრიშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი