თამარ კეკენაძე იზორიას მოუწოდებს, სამხედრო სავალდებულო სამსახურის გაუქმებაზე გადაწყვეტილებას არ გადახედოს

2016-10-21 13:31:07, 660 ნახვა

პოლიტიკა

,,თავისუფალი დემოკრატების“ ერთ-ერთი ლიდერი და პარტიის აღმასრულებელი მდივანი თამარ კეკენაძე თავდაცვის მინისტრს მოუწოდებს, სამხედრო სავალდებულო სამსახურის გაუქმების შესახებ გადაწყვეტილებას არ გადახედოს.

კეკენაძის განმარტებით, სრულად პროფესიულ ჯარზე გადასვლის გადაწყვეტილება ჯერ კიდევ 2012 წელს ირაკლი ალასანიას მინისტრობის დროს იქნა მიღებული და ამ მიმართულებით სამოქმედო გეგმა უკვე არსებობს.

" სრულად პროფესიულ ჯარზე გადასვლის გადაწყვეტილება 2012 წელს ირაკლი ალასანიას მინისტრობის დროს იქნა მიღებული. ნატოსთან და სხვა სტრატეგიულ პარტნიორებთან ერთად შემუშავდა ოთხ წლიანი სამოქმედო გეგმა თავდაცვის სტრატეგიული მიმოხილვის პროცესის ფარგლებში, რომელსაც უნდა უზრუნველყო წვევამდელების და მათი ფუნქციების ეტაპობრივი ჩანაცვლება პროფესიონალი სამხედრო მოსამსახურეებით და შესაბამისი ტექნიკური საშუალებებით. საქართველოს არსებული გამოწვევების საპასუხოდ სჭირდება მაღალპროფესიული, მობილური სამხედრო შეიარაღებელი ძალები, ძლიერი რეზერვის სისტემით“, - განაცხადა თამარ კეკენაძემ.

მისივე განმარტებით, ამ გადაწყვეტილების გადასინჯვა უკან გადადგმული ნაბიჯი იქნება.

საქართველოს თავდაცვის მინისტრი ლევან იზორია არ აკონკრეტებს, შეიცვლება თუ არა გადაწყვეტილება წვევამდელებთან დაკავშირებით.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან