"ნაციონალური მოძრაობა" ბიუჯეტის განხილვასთან დაკავშირებით შეკრებას არ აპირებს, - ამის შესახებ პარტიის ერთ-ერთმა ლიდერმა მიხეილ მაჭავარიანმა განაცხადა.

 როგორც მაჭავარიანმა აღნიშნა, მმართველი გუნდი დაპირებების შესრულებას არ აპირებს.

"საქართველოს პარლამენტში მიმდინარეობს განხილვა 2017 წლის ბიუჯეტის. როდესაც ეს ბიუჯეტი პარლამენტში შევიდა, ჩვენ განვაცხადეთ, რომ ეს არის ფაქტობრივად აღიარება იმის, რომ "ქართული ოცნება" არ აპირებს არაფრის გათვალისწინებას ბიუჯეტში. ამ ბიუჯეტში არ არის ასახული ის, რაზეც "ოცნება" საუბრობდა წინასაარჩევნო კამპანიისას. ეს ეხება პენსიების ზრდას, ინფრასტრუქტურულ პროექტებს და ა.შ. აქ არ წერია, რომ გაიზრდება პენსიები, არ წერია, რომ უფრო მეტი დაიხარჯება ინფრასტრუქტურაზე. ამიტომ, ჩვენ ვერ ვხედავთ აზრს დღეს შეიკრიბოს უმცირესობა და განიხილოს ის ბიუჯეტის პროექტი, რომელიც არის აღიარებითი ჩვენება "ოცნების", რომ არ აპირებს დაპირებების შესრულებას",- განაცხადა მაჭავარიანმა.

მისივე თქმით, უმცირესობა წერილობით გააგზავნის თავის მკვეთრად უარყოფით პოზიციას პარლამენტში და ამ კუთხით დააფიქსირებს პოზიციას 2017 წლის ბიუჯეტთან დაკავშირებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები