2016-10-16 10:24:12, 739 ნახვა
საზოგადოება
შსს-ს მაშველებმა მყვინთავების გადამზადების კურსი გაიარეს
შსს-ს საგანგებო სიტუაციების მართვის სააგენტოს 20–მდე მაშველმა მყვინთავების მომზადება-სერთიფიცირების სამთვიანი კურსი გაიარა.
სწავლება მყვინთავ-ინსტრუქტორების პროფესიული ასოციაცია PADI-ის ეგიდით გაიმართა. შსს-ს მაშველებს ტრენინგი თბილისსა და ბათუმში ჩაუტარდათ. კურსის დასრულების შემდეგ ყველა მონაწილეს მყვინთავი-მაშველის სტატუსი მიენიჭა.
მყვინთავების მომზადების კურსის გავლა მაშველებს პროფესიონალიზმის ამაღლებაში დაეხმარება და წყალზე სამაშველო ღონისძიებების დროს მათი რეაგირების ხარისხს გააუმჯობესებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
