სირიის პრეზიდენტის ბაშარ ასადის განცხადებით, დღევანდელი ვითარება მსოფლიოში ჰგავს “ცივ ომს” მის საწყის სტადიაზე.

ამის შესახებ ასადმა რუსულ გამოცემა "Комсомольская Правда"-თვის მიცემულ ინტერვიუში განაცხადა.

სირიის პრეზიდენტი მიიჩნევს, რომ დასავლეთს, განსაკუთრებით კი აშშ-ს, “ცივი ომის” საბჭოთა კავშირის დაშლის შემდეგაც არ შეუჩერებია.

ჟურნალისტის კითხვაზე, შესაძლებელია თუ არა, რომ სირიის ტერიტორიაზე მიმდინარე კონფლიქტი მესამე მსოფლიო ომში გადაიზარდოს, ასადმა აღნიშნა, რომ კონფლიქტის ესკალაციას ხედავს.

“ჩვენ ვხედავთ კონფლიქტის ესკალაციას, თუმცა მთავარი მიზანია მსოფლიოში ამერიკული ჰეგემონიის შენარჩუნება, არ მისცენ საშუალება ვინმეს, იყოს პარტნიორი პოლიტიკურ ან საერთაშორისო არენაზე, იქნება ეს რუსეთი ან თუნდაც დასავლელი მოკავშირეები. ამიტომ ომის სუნი, რომელსაც თქვენ მესამე მსოფლიო ომს უწოდებთ, ჰაერში იგრძნობა, თუმცა ეს ჯერ პირდაპირი საომარი შეჯახება არ არის”, - განაცხადა ასადმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპს სურს, რომ ჯანი ინფანტინო გაეროს შემდეგი გენერალური მდივანი გახდეს - New York Post

აშშ-ის მოკავშირეები ახლო აღმოსავლეთში ტრამპს ირანში სახმელეთო შეჭრის დაწყებისკენ მოუწოდებენ

უკრაინამ კრასნოდარსა და ნევინომისკში Wildberry-ის საწყობებს დაარტყა. რვა ადამიანი დაშავდა

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური