საქართველოში გამართული საპარლამენტო არჩევნები ამერიკული ორგანიზაციის The Heritage Foundation-ის ექსპერტებმა შეაფასეს.

ორგანიზაციის ოფისში საქართველოს საკითხზე ერთსაათიანი დისკუსია გაიმართა.

როგორც ატლანტიკური საბჭოს უფროსმა მკვლევარმა  არიელ კოენმა აღნიშნა, ყველა საერთაშორისო დამკვირვებელმა, მათ შორის საერთაშორისო რესპუბლიკურმა ინსტიტუტმა (IRI), ეუთო-მ, განაცხადა, რომ არჩევნები საერთო ჯამში გამჭვირვალე და მშვიდობიანი  იყო.

“8 ოქტომბრის საპარლამენტო არჩევნები იყო ძალიან კონკურენტული. ყველა საერთაშორისო დამკვირვებელმა, მათ შორის საერთაშორისო რესპუბლიკურმა ინსტიტუტმა (IRI), ეუთო-მ, განაცხადა, რომ საერთო ჯამში არჩევნები იყო გამჭვირვალე და მშვიდობიანი. როგორც ბევრი არჩევნების დროს, მათ შორის ჩვენთან დაგეგმილ არჩევნებზე, შესაძლოა, მოხდეს შეფერხება, წარმოიქმნას პრობლემები, თუმცა მნიშვნელოვანია,  რომ ეს არჩვნები  საერთო ჯამში იყოს დემოკრატიული და გამჭვირვალე”, - განაცხადა არიელ კოენმა.

მისივე განმარტებით, “ქართულმა ოცნებამ” მამრთველობის პირველი ოთხი წლის განმავლობაში საზოგადოებრივი ცხოვრების ბევრ სფეროში ცვლილებები და რეფორმები განხორციელა.

“კოალიციამ არა მხოლოდ გააგრძელა ყოფილი პრეზიდენტის, მიხეილ სააკაშვილის მიერ ინიციირებული რეფორმების გზა, არამედ წარმატებული ბრძოლა გააჩაღა კორუფციის წინააღმდეგ, განახორციელა ინიციატივები ჯანდაცვის, განათლების, საგადასახადო და მართლმსაჯულების სფეროში”, - განაცხადა კოენმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა