პარტია "ქართული ოცნების" აღმასრულებელი მდივანი ირაკლი კობახიძე "თავისუფალ დემოკრატებთან" თანამშრომლობას არ გამორიცხავს. 

როგორც კობახიძემ აღნიშნა, "თავისუფალ დემოკრატებში" არსებობენ ადამიანები, რომლებიც სიმპატიას იმსახურებენ. 

"ზოგადი სახით ადრეც განვაცხადე, რომ არიან ადამიანები ამ პარტიაში,  რომლებიც იმსახურებენ გარკვეულ სიმპატიებს და თანამშრომლობას. შესაბამისად,  არ გამოვრიცხავ თანამშრომლობას,  თუმცა ეს ყველაფერი არის შემდგომი დაზუსტების საგანი",-აღნიშნა კობახიძემ. 

ამასთან, როგორც კობახიძემ აღნიშნა, სამწუხაროა, რომ პარტია "თავისუფალმა დემოკრატებმა" რამდენიმე სტრატეგიული შეცდომა დაუშვა საარჩევნო პერიოდში, რის გამოც პარტიას ბარიერის გადალახვა გაუჭირდა.

"კონკრეტიკისგან თავს შევიკავებდი, რადგან  სხვა დღის წესრიგი გვაქვს დღეს. არჩევნები დასრულებულია,  ვემზადებით, რომ შევუდგეთ მუშაობას პოსტსაარჩევნო პერიოდის შემდეგ. ეს არის ჩვენი დრის წესრიგი. საბოლოო კომენტარებს გავაკეთებთ მას შემდეგ, რაც გაირკვევა, ზუსტად რა ხდება "თავისუფალ დემოკრატებში", - აღნიშნა კობახიძემ. 

შეგახსენებთ, რომ "თავისუფალი დემოკრატების" ლიდერმა ირაკლი ალასანიამ პოლიტიკა დატოვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.