2016-10-09 16:10:24, 739 ნახვა

---

შალვა ნათელაშვილი: სადეპუტატო რამდენიმე მანდატის გამო გადმოგდებულ ანკესს, იმედია არავინ ჩამოეკიდება

„ლეიბორისტული პარტიის“ ლიდერი შალვა ნათელაშვილი ჩატარებულ საპარლამენტო არჩევნებს უნდობლობას უცხადებს  და ამბობს, რომ ბიძინა ივანიშვილმა არჩევნები გააყალბა.

როგორც ნათელაშვილმა ბრიფინგზე აღნიშნა, არჩევნები ჩაშლილად უნდა გამოცხადდეს და ე.წ. პარლამენტში არც ერთი პარტია არ უნდა შევიდეს:

„ოლიგარქმა ივანიშვილმა როგორც გვპირდებოდა,  თავზეხელაღებულად გააყალბა გუშინდელი საპარლამენტო არჩევნები, მოარგო თავის გემოვნებას პარლამენტი და აპირებს განუსაზღვრელი დროით ჩვენს მართვას. გამოსავალი ამ სიტუაცუიიდან კიდევ არსებობს, ჩაშლილად გამოცხადდეს ჩატარებული არჩევნები და გაიმართოს 2 თვის თავზე ხელახალი არჩვევნები. არ შევიდეს არც ერთი პარტია ამ ე.წ. პარლამენტში.სადეპუტატო რამდენიმე მანდატის გამო გადმოგდებულ ანკესს, იმედია არ ჩამოეკიდება არავინ და მისცემს საშუალებას ქვეყანას, რომ ოლიგარქის კლანჭებისგან გათავისუფლდეს“,-განაცხადა შალვა ნათელაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი