2016-10-08 21:57:34, 636 ნახვა

---

ჩუგოშვილი: ცესკო-ს შედეგებით დადასტურდება, რომ „ქართული ოცნება“ დააკომპლექტებს პარლამენტის უმრავლესობას

დარწმუნებული ვარ, ცესკო-ს შედეგებით დადასტურდება, რომ „ქართული ოცნება“ დააკომპლექტებს პარლამენტის უმრავლესობას მომავალი 4 წლის განმავლობაში, - ამის შესახებ „ქართული ოცნების“ წევრმა თამარ ჩუგოშვილმა ჟურნალისტებს განუცხადა.

როგორც ჩუგოშვილმა აღნიშნა, პარტიას დიდი მოლოდინი ჰქონდა, რომელიც გამართლდა.

„ზუსტად ასეთი მოლოდინები გვქონდა. ძალიან თავდაჯერებელები ვიყავით მთელი ამ პროცესის განმავლობაში, დარწმუნებული ვიყავით ამ გამარჯვებაში. მიუხედავად იმისა, რომ ჯერ ოფიციალური შედეგები არ არის ცნობილი, ეგზიტპოლის შედეგებით ძალიან ცხადად ჩანს, რომ ჩვენ დამაჯერებელი გამარჯვების მოპოვება შევძელით საპარლამენტო არჩევნებისთვის“, - განაცხადა ჩუგოშვილმა. ამასთან, მან ამომრჩეველს მადლობა გადაუხადა და მიულოცა ეს დიდი გამარჯვება.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი