2016-10-07 20:29:08, 1678 ნახვა
სამართალი
არსებული ინფორმაციით, გლდანში, თარგამაძის ავტომობილის აფეთქების საქმეზე სპეცოპერაცია მიმდინარეობს
არსებული ინფორმაციით, გლდანის ერთ-ერთ მიკრორაიონში სპეცოპერაცია მიმდინარეობს.
სამაუწყებლო კომპანია „იმედის“ ინფორმაციით, სამართალდამცავები სავარაუდოდ, ერთ-ერთ პირს აკავებენ, რომელიც დეპუტატ გივი თარგამაძის მანქანის აფეთქებაში ფიგურირებდა.
სავარაუდოდ, აღნიშნული პიროვნება დავით ხეჩუაშვილია.
„იმედის“ ინფორმაციიით, ხეჩუაშვილი სპეციალური ოპერატიული სამსახურის ყოფილი თანამშრომელია და ბოლო პერიოდში უკრაინაში იმყოფებოდა.
ადგილზე კრიმინალური პოლიციის, შინაგან საქმეთა სამინისტროსა და პროკურატურის თანამშრომლები იმყოფებიან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
