ყვარელში, მარჯანიშვილების სახლ-მუზეუმში, პირველკურსელთა ფიცის დადების რიგით მეცხრე  სიმბოლური რიტუალი გაიმართება. 

თბილისის მერიის ინფორმაციით,  შოთა რუსთაველის თეატრისა და კინოს სახელმწიფო უნივერსიტეტის პირველკურსელები საზეიმოდ დადებენ ფიცს. 

მათივე ცნობით, საქართველოს შოთა რუსთაველის თეატრისა და კინოს სახელმწიფო უნივერსიტეტში 80-იან წლებში შემოღებულ იქნა პირველკურსელთა ფიცის დადების რიტუალი. 2008 წელს კი კომპანია „რედიქსის“ ინიციატივით თეატრალური „ნათლობის“ რიტუალი აღდგა. 

ცერემონიაზე სტუდენტები დადებენ ფიცს, რომ ერთგულად ემსახურებიან სამშობლოს და, როგორც პროფესიონალები, დაიცავენ ქართული ეროვნული კულტურის ტრადიციებს. ფიცის ტექსტს სტუდენტები და უფროსი თაობის მსახიობები ერთხმად წაიკითხავენ. 

ცერემონიას დაესწრებიან თეატრალური სფეროს სხვადასხვა თაობის წარმომადგენლები, სტუდენტები კი მათგან  რჩევებს და მილოცვას მიიღებენ. თეატრალურ სამყაროში მოღვაწეობის დაწყებას ახალბედა მსახიობებს ცნობილი და ყველასათვის საყვარელი მსახიობები სიმბოლურად, სახეზე გრიმის ცხებით მიულოცავენ.

ნათლობის ღონისძიებაზე სტუდენტები ასევე წარმოადგენენ ეტიუდებს, ფოლკლორულ და ქორეოგრაფიულ ნომრებს. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა