იუსტიციის უმაღლესი საბჭოს წევრები თბილისის საქალაქო სასამართლოს ყოფილ თავმჯდომარეს მამუკა ახვლედიანსა და "რუსთავი 2"-ის გენერალურ დირექტორ ნიკა გვარამიას აუდიო ჩანაწერებთან დაკავშირებით გამოძიების დაწყებას ითხოვენ.

საბჭოს წევრებმა სხდომაზე მამუკა ახვლედიანი გააკრიტიკეს.

როგორც იუსტიციის უმაღლესი საბჭოს მდივნმა, ლევან მურუსიძემ განაცხადა, თვეების განმავლობაში სასამართლოს კრიტიკა მიმდინარეობდა და „ახლა რეალურად გამოჩნდა რა იყო ამის მიზეზი”.

”იყო ბრალდებები, რომლებიც კონკრეტულ წყაროს და კონკრეტული პირის მიერ გაჟღერებულ ინფორმაციას ეყრდნობოდა. საზოგადოება და სხვადასხვა არასამთავრობო ორგანიზაციები თუ პოლიტიკოსები ამას იყენებდნენ როგორც საშუალებას, რომ სასამართლო სისტემაზე განხორციელბულიყო ლანძღვა, ისტერიკა. აქედან გამომდინარე, სასამართლო სისტემამ უნდა იმსჯელოს, რა მოხდა რეალურად და იყო თუ არა სწორი საბჭო, როცა თვეების განმავლობაში მოქმედებდა და იმ ნაბიჯებს დგამდა, რა ნაბიჯებიც გადადგა. თვეების განმავლობაში მიდიოდა სასამართლოს დისკრედიტაცია, მისი ძირითადი წყარო და ინფორმაციის მიმწოდებელი რეალურად თბილისის საქალაქო სასამართლოს ყოფილი თავმჯდომარე იყო",-განაცხადა მურუსიძემ.

მურუსიძემ არასამთავრობოებს მიმართა დაიწყონ ურთიერთობა სუფთა ფურცლიდან.

იუსტიციის საბჭოს წევრმა სერგო მეთოფიშვილმა ასევე მიმართა შესაბამის ორგანოებს დაინტერესდნენ იმ ელექტრონული პროგრამის განხორციელებით, რომელიც ახვლედიანის თავმჯდომარეობის პერიოდში თბილისის საქალაქო სასამართლოში მიმდინარეობდა.

იუსტიციის საბჭოს კიდევ ერთმა წევრმა გოჩა მამულაშვილმა მამუკა ახვლედიანს თანამედროვე ყვარყვარე უწოდა.

ცნობისთვის, იუსტიციის საბჭოს საგანგებო სხდომა მიმდინარეობს, რომელზეც ნიკა გვარამიასა და მამუკა ახვლედიანის გავრცელებული აუდიო ჩანაწერი განიხილება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა