2016-10-01 22:17:08, 818 ნახვა

---

პეტრიაშვილი GFK-ს კვლევაზე: ან ჩვენ ვცხოვრობთ სხვა სამყაროში, ან ეს ხალხი ატარებს კვლევას სხვა სამყაროში

ან ჩვენ ვცხოვრობთ სხვა სამყაროში, ან ეს ხალხი ატარებს კვლევას სხვა სამყაროში, - ასე აფასებს "თავისუფალი დემოკრატების" ლიდერი ალექსი პეტრიაშვილი GFK-ს კვლევას.

"რუსთავი 2"-ის ეთერში პეტრიაშვილი აცხადებს, რომ "საზოგადოება დაიღალა მსგავსი კვლევებით" და მოსახლეობასთან შეხვედრების საფუძველზე აცხადებს, რომ რეალური განწყობა აბსოლუტურად განსხვავებულია.

„რამდენიმე დღე დარჩა და მინდა გითხრათ, რომ საქართველოს ისტორიაში 2016 წლის 8 ოქტომბერს ყველაზე არაპროგნოზირებადი არჩევნების შედეგები დადგება. ერთი, რაც შეიძლება დანამდვილებით ითქვას, ვერც ერთი პოლიტიკური ძალა ვერ შეძლებს დამოუკიდებლად ვერ ჩამოაყალიბებს მთავრობას, 8 ოქტომბერს ვერც ერთი პოლიტიკური ძალა ვერ გაიფორმებს გამარჯვებას, რადგან საყოველთაო აღიარება მოხდა და ყველაზე გავლენიანმა მოქალაქემაც კი აღიარა, რომ იქნება მეორე ტურები,“ - განაცხადა ალექსი პეტრიაშვილმა.

მისივე განცხადებით, მოსახლეობას სჭირდება ახალი ალტერნატივა და ეს ძალა, მისი აზრით, თავისუფალი დემოკრატები არიან.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი