იუსტიციის მინისტრმა თეა წულუკიანმა  საერთაშორისო  კონფერენცია გახსნა, რომლის თემა მიგრაციული პროცესების  გამოწვევებია.

ღონისძიების მიზანია, მიგრაციის თემით დაინტერესებულმა  ქართველმა და უცხოელმა მეცნიერებმა ერთმანეთს გაუზიარონ კვლევის შედეგები, გაიღრმაონ  ცოდნა რეგიონული და საერთაშორისო მიგრაციული პროცესების შესახებ.

მიგრაციის საკითხი ერთ-ერთი უმნიშვნელოვანესია  ევროკავშირის წევრი სახელმწიფოებისთვის. საერთაშორისო კონფერენცია, რომელიც დღეს გაიხსნა, საქართველოს საშუალებას აძლევს, ჩაერთოს მიგრაციის  შესახებ  ევროპაში მიმდინარე დებატებში როგორც ევროპული  ოჯახის ნაწილი; ჩამოაყალიბოს მიგრაციის  მართვის სწორი სტრატეგია; შეძლოს მიგრაციის შედეგის პროგნოზირება ეკონომიკური, პოლიტიკური, უსაფრთხოების, გენდერული და სხვა თვალსაზრისით.

საერთაშორისო კონფერენცია ორ დღეს გაგრძელდება. 29 სექტემბერი მიგრაციის საკითხების ექსპერტის, გაერო-სა და მაასტრიხტის უნივერსიტეტის  პროფესორ  რონალდ სკელდონის ლექციას დაეთმობა, რომლის  შემდეგაც დისკუსია გაიმართება. 30 სექტემბერს კი,  რამდენიმე სესია იმუშავებს. თემატური სხდომები ინტეგრაციას, მიგრაციის ღირებულებებსა და სოციალურ კაპიტალს, აგრეთვე, მიგრაციის სამართლებრივ და პოლიტიკურ ჩარჩოს დაეთმობა.

საერთაშორისო კონფერენცია  "უახლესი მიგრაციული  პროცესები და ევროპა: გამოწვევები და შესაძლებლობები" ევროკავშირის მიერ  დაფინანსებული  პროექტის  ფარგლებში იმართება, რომელსაც  საქართველოში  მიგრაციის პოლიტიკის  განვითარების საერთაშორისო  ცენტრი ახორციელებს. 

კონფერენცია  თბილისის სახელმწიფო უნივერსიტეტისა და მიგრაციის საკითხთა სამთავრობო კომისიას შორის  გაფორმებული ურთიერთგაგების  მემორანდუმის საფუძველზეა ორგანიზებული.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა