საქართველოში ბუნებრივი გაზის მომხმარებელთა რაოდენობამ მილიონს მიაღწია.

მთავრობის ადმინისტრაციის პრესსამსახურის ინფორმაციით, მემილიონე მომხმარებელი აჭარის რეგიონში მცხოვრები მამუკა მახარაძის ოჯახი აღმოჩნდა. აბონენტის ქსელზე მიერთება დღეს სოფელ ხუცუბანში საზეიმო ვითარებაში აღინიშნა. ღონისძიებას საქართველოს პრემიერ-მინისტრი გიორგი კვირიკაშვილი, კომპანია „სოკარის“ პრეზიდენტთან, როვნაგ აბდულაევთან ერთად დაესწრო.

მთავრობის მეთაურის ინფორმაციით, დღეისათვის კომპანია „სოკარ ჯორჯია გაზს“   აჭარაში  65 ათასზე მეტი აქტიური და პოტენციური აბონენტი ჰყავს,  2017 წლის ბოლომდე იგეგმება კიდევ  9 ათასამდე აბონენტის გაზიფიცირება. გიორგი კვირიკაშვილმა მადლობა გადაუხადა კომპანია  "სოკარს"  საქართველო-აზერბაიჯანს შორის მეგობრული ურთიერთობისა და სტრატეგიული თანამშრომლობის საქმეში შეტანილი წვლილისთვის.

"გაზიფიცირება, წყალმომარაგება არის ჩვენი მთავრობის პრიორიტეტი. ეს არის ძალიან მნიშვნელოვანი ასევე გარემოს შენარჩუნებისთვის და, რა თქმა უნდა, როცა გაზიფიცირებული იქნება ჩვენი სოფლები, მათ შორის მაღალმთიანი აჭარა, ხე-ტყე აღარ გაიჩეხება. ჩვენ ძალიან მნიშვნელოვანი გეგმები გვაქვს ინფრასტრუქტურული განვითარების მიმართულებით და უახლოეს მომავალში დაიწყება ხულო-ადიგენის გზის მშენებლობა და ბათუმიდან ხულოსკენ მიმავალი გზაც იქნება ევროპული სტანდარტების შესაბამისი. ასევე, წყალმომარაგების მიმართულებით გვაქვს პროექტები, რომ მთლიანად აჭარა, მათ შორის მაღალმთიანი, აღჭურვილი იყოს თანამედროვე ინფრასტრუქტურით. ეს იქნება თანამედროვე, კომფორტული პირობების შექმნა თითოეული აჭარული ოჯახისთვის. ეს არის ჩვენი მთავრობის ვალი და ჩვენ დიდი სიამოვნებით და დიდი პასუხისმგებლობით ვასრულებთ ამ მოვალეობას. მინდა მოგილოცოთ დღევანდელი დღე, მინდა დიდი მადლობა გადავუხადო ბატონ როვნაგ აბდულაევს, რომელიც არის საქართველოს მეგობარი და კომპანია „სოკარს“ - საქართველოსა და აზერბაიჯანს შორის მეგობრობისა და პარტნიორობის განმტკიცებისთვის", - განაცხადა გიორგი კვირიკაშვილმა.

პრემიერ–მინისტრმა მამუკა მახარაძეს გაზიფიცირება მიულოცა და მის ოჯახში სიმბოლურად გაზქურა აანთო. კომპანია „სოკარ ჯორჯია გაზმა“ საქართველოში ბუნებრივი გაზის მემილიონე მომხმარებელი დაასაჩუქრა.

2017 წლის ბოლომდე   კომპანია „სოკარი“  360 კმ-იანი მილსადენის აშენებას და 8 935 აბონენტის გაზიფიცირებას გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა