იუსტიციის სახლის 400-ზე მეტ სერვისთან ერთად, ამიერიდან მოქალაქეებისათვის ხელმისაწვდომი იქნება შემოსავლების სამსახურის ცნობა საბანკო ანგარიშების თაობაზე და ცნობა საგადასახადო დავალიანების თაობაზე. უკვე დღეიდან, სერვისი, იუსტიციის სახლის ყველა ფილიალში იქნება ხელმისაწვდომი.

ორმხრივი თანამშრომლობის მემორანდუმს ხელი იუსტიციის სახლის აღმასრულებელმა დირექტორმა გივი აზაურაშვილმა და ფინანსთა მინისტრის პირველმა მოადგილემ, შემოსავლების სამსახურის თავმჯდომარემ გიორგი თაბუაშვილმა მოაწერეს.

სერვისების განვითარების სააგენტოს ცნობით, თანამშრომლობის ფარგლებში უკვე მიმდინარეობს მოსამზადებელი სამუშაოები მოსახლეობისთვის მნიშვნელოვანი სხვა სერვისების დანერგვის თაობაზე, რაც საშუალებას იძლევა, რომ დროის გარკვეულ პერიოდში შემოსავლების სამსხურის სერვისები იუსტიციის სახლებში გაცილებით ფართო სპექტრით იყოს წარმოდგენილი.

„სერვისების იუსტიციის სახლში გადატანა მნიშვნელოვნად აადვილებს ხელმისაწვდომობას შემოსავლების სამსახურის მომსახურებაზე. საქართველოს იმ რეგიონების მაცხოვრებლებს, სადაც იუსტიციის სახლის ფილიალები ფუნქციონირებს, ცნობების - საბანკო ანგარიშებისა და საგადასახადო დავალიანების თაობაზე მიღება, რეგიონიდან და ქალაქიდან გაუსვლელად შეეძლებათ, რაც დროსა და ფინანსების დაზოგვის და მომსახურების უფრო კომფორტულად და სწრაფად მიღების საშუალებას მისცემთ.

მომსახურება იმ ფიზიკური და იურიდიული პირებისთვისაა განკუთვნილი, რომლებიც შემოსავლების სამსახურში გადასახადის გადამხდელად არიან რეგისტრირებული. სერვისებზე განაცხადების მიღებას და მომზადებული ცნობების მომხმარებლებისთვის მიწოდებას იუსტიციის სახლის ყველა ფილიალში (გარდა მესტიის იუსტიციის სახლისა) სწრაფი მომსახურების სივრცის ოპერატორები განახორციელებენ. აღნიშნული სერვისები ათ სამუშაო დღეში უფასოდ გაიცემა, ხოლო ცნობების დაჩქარებული წესით მიღების მსურველებს საშუალება ექნებათ სერვისი სამ სამუშაო დღეში ათი ლარის, ხოლო განაცხადის წარდგენიდან ერთ სამუშაო დღეში 20 ლარის გადახდის სანაცვლოდ მიიღონ.

აღსანიშნავია ის, რომ პარტნიორ უწყებებს შორის ინტენსიური თანამშრომლობის საფუძველზე, იუსტიციის სახლებში მოკლე ხანში შემოსავლების სამსახურის კიდევ რამდენიმე სერვისი დაინერგება. ამასთან, სამომავლოდ ასევე იგეგმება ფინანსთა სამინისტროს შემოსავლების სამსახურის სერვის ცენტრებში იუსტიციის სამინისტროს ზოგიერთი სერვისის შეთავაზება“, - აცხადებენ სახელმწიფო სერვისების განვითარების სააგენტოში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა