სოფლის მეურნეობის მინისტრმა ლევან დავითაშვილმა, აშშ-ის საგანგებო და სრულუფლებიანმა ელჩმა საქართველოში იან კელიმ და ბულგარეთის რესპუბლიკის საგანგებო და სრულუფლებიანმა ელჩმა დესისლავა ივანოვამ სოფლის მეურნეობის სამინისტროში თანამშრომლობის მემორანდუმს მოაწერეს ხელი.

 მემორანდუმის ფარგლებში, აშშ-ის სოფლის მეურნეობის დეპარტამენტი (USDA) და ბუგარეთის სურსათის უვნებლობის სააგენტო (BFSA) ტექნიკურ და საექსპერტო დახმარებას გაუწევენ საქართველოს რისკის მართვისა და რისკის შეფასების ორგანოებს მათი ინსტიტუციური გაძლიერებისა და შესაძლებლობების გაზრდის მიზნით.

როგორც დავითაშვილმა აღნიშნა, საერთაშორისო მხარდაჭერით არაერთი პროექტი ხორციელდება, რომელიც აგრარული დარგის განვითარებას უწყობს ხელს.

 „ჩვენთვის მნიშვნელოვანია ამერიკელ და ევროპელ ექსპერტებთან თანამშრომლობა, რაც, ღრმა და ყოვლისმომცველი თავისუფალი სავაჭრო სივრცის შესახებ შეთანხმების პირობებში, მნიშვნელოვანი დახმარებაა ევროპული სტანდარტების დანერგვის მიმართულებით მიმდინარე და დაგეგმილი ღონისძიების გატარების პროცესში. ასევე, მინდა აღვნიშნო, რომ ბულგარეთის რესპუბლიკის გამოცდილების გაზიარება განსაკუთრებით ხაზგასასმელია, ვინაიდან ბულგარეთმა სულ რამდენიმე წლის წინ გაიარა ის გზა, რომელსაც საქართველო დღეს გადის“,-განაცხადა ლევან დავითაშვილმა.

რისკის მართვისა და რისკის შეფასების შესაძლებლობების გაძლიერება ცხოველური წარმოშობის პროდუქტებთან ასოცირებული რისკების გამოვლენის, შეფასებისა და მართვის მექანიზმებს გააუმჯობესებს და დაახლოებს საქართველოს ევროსტანდარტებთან; შედეგად, საქართველო ევროპისა და ამერიკის უფრო სანდო პარტნიორი გახდება ცხოველური პროდუქტებით ვაჭრობაში.

ბულგარელი და ამერიკელი ექსპერტები სოფლის მეურნეობის სამეცნიერო-კვლევითი ცენტრის რისკის შეფასების სტრუქტურებს სურსათის უვნებლობის სფეროში რისკის შეფასების პროცედურათა ევროპულ მიდგომებსა და მეთოდოლოგიებს გააცნობენ. საქართველოში არსებული პოტენციალის გაანალიზებით შეიმუშავებენ განვითარების სტრატეგიასა და რეკომენდაციებს. ასევე, დაეხმარებიან მათ საერთაშორისო დონეზე რისკის შეფასების სათანადო ინსტიტუციებთან კომუნიკაციაში.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა