დევნილთა და განსახლების მინისტრი სოზარ სუბარი და მინისტრის მოადგილე შოთა რეხვიაშვილი გაერო-ს სპეციალურ  მომხსენებელს დევნილთა საკითხებში ჩალოკა ბეიანის შეხვდნენ.

ლტოლვილთა და განსახლების  სამინისტროს ინფორმაციით, გაერო-ს სპეციალური მომხსენებლის საქართველოში ვიზიტის მიზანს  დევნილთა უფლებების დაცვის კუთხით არსებული სიტუაციის შეფასება წარმოადგენს.

უწყების ინფორმაციით, შეხვედრაზე სოზარ სუბარმა გაერო-ს სპეციალურ მომხსენებელს იძულებით გადაადგილებულ პირთა განსახლების მიმართულებით განახლებული სტატისტიკური მონაცემები გააცნო.

მინისტრმა   გრძელვადიანი განსახლების, საცხოვრებელი ფართების საკუთრებაში გადაცემისა და საარსებო წყაროებით უზრუნველყოფის პროგრამებზეც ისაუბრა. 

მხარეებმა ასევე იმსჯელეს იმ რეკომენდაციების შესრულების შესახებ, რომლებსაც 2014 წელს, გაერო-ს ადამიანის უფლებების საბჭოსთვის მომზადებული ჩალოკა ბეიანის  ანგარიში მოიცავს.

დევნილთა საკითხებში გაერო-ს სპეციალურმა  მომხსენებელმა მინისტრსა და მის მოადგილეს ამომწურავი ინფორმაციის მიწოდებისთვის მადლობა გადაუხადა და განაცხადა, რომ ძალიან შთამბეჭდავია ის სამუშაოები, რაც რეკომენდაციების გათვალისწინებით განხორციელდა.

საქართველოში ვიზიტის ფარგლებში, ჩალოკა ბეიანი,  დევნილთა და განსახლების მინისტრთან ერთად, თბილისის ზღვის მიმდებარე ტერიტორიაზე დევნილი ოჯახებისთვის გადაცემულ კორპუსებს დაათვალიერებს და მათ საცხოვრებელ პირობებს პირადად გაეცნობა. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა