საქართველოს ყოფილი პრემიერ-მინისტრი ბიძინა ივანიშვილი აფხაზეთის მოსახლეობას სასტუმროსა და ბოტანიკური ბაღის მშენებლობას სთავაზობს.

ივანიშვილის თქმით, მათი თანხმობის შემთხვევაში, მიღებული მოგება ინფრასტრუქტურის განვითარებას და ადგილობრივი მოსახლეობის კეთილდღეობის ამაღლებას მოხმარდება.

"მინდოდა შეთავაზება გამეკეთებინა ტელევიზიით ჩვენი აფხაზი ძმებისთვის, რომ გამყოფ ხაზს იქითაც ვთავაზობ საქმიან წინადადებას, რომ ასეთივე მაღალი კლასის სასტუმროს ავაშენებდი. თუ ჩვენი ძმების კეთილი ნება იქნება, ასევე გავაგრძელებდი ბოტანიკურ ბაღს და უფრო მასშტაბურიც შეიძლება გამყოფ ხაზს იქით აშენებულიყო.

ამავდროულად, სასტუმროდან მიღებული ყველა მოგება, თანხმობის შემთხევაში, მოხმარდებოდა ადგილობრივი ინფასტრუქტურის განვითარებას და ადგილობრივი მოსახლეობის კეთილდღეობის ამაღლებას. ამით მინდოდა ჩემი წვლილი შემეტანა ჩვენი ურთიერთბის აღდგენაში და გარკვეული ნაბიჯი, საფუძველი ჩაყროდა იმას, რომ ჩენ მოვახერხოთ და აღვადგინოთ ნდობა, დავიბრუნოთ ის ნდობა, რაც ჩვენს საუკუნეების განმავლობაში გაგვაჩნდა", - განაცხადა ივანიშვილმა.

მისივე თქმით, ვერ მოხდა შეჯერება ამ საკითხის, მაგრამ წინადადება იმდენად ჰუმანური და მეგობრულია, რომ ამას პოზიტიურის გარდა სხვა რაიმე შეფასებების არ უნდა მოჰყვეს.

ივანიშვილის ინფორმაციით, დღეს ანაკლიაში, კერძოდ კი განმუხურში, სასტუმროს მშენებლობა დაიწყება.

როგორც ექს-პრემიერმა აღნიშნა, სასტუმროს გარდა აშენდება ბოტანიკური ბაღიც, რომლის იდეის ავტორიც თვითონაა.

"იქ აშენდება თანაინვესტირების ფონდის დაფინანსებით უნიკალური სასტუმრო, ყველაზე მაღალი კლასის, ამ გამყოფ ზოლთან მიჯრილზე, ყველაზე ახლოს და სასტუმროს უკან აშენდება ბოტანიკური ბაღი, რომელსაც ფონდი ქართუ დააფინანსებს", - განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დღეიდან, უცხოელებს გიდებად, კურიერებად და ტაქსის მძღოლებად მუშაობა სრულიად ეკრძალებათ

დღეიდან საგზაო-სატრანსპორტო წესების დარღვევისთვის ჯარიმები იზრდება

გდდ-ის ყოფილი ხელმძღვანელი, რომან ქარცივაძე სუს-ის სპეციალური ოპერაციების დეპარტამენტის ხელმძღვანელად დაინიშნა

მიხეილ სააკაშვილი: პატრიარქის „არჩევნის“ სცენარი ლუბიანკაზე დიდი ხნის წინ დაიწერა.