2016-09-23 17:54:37, 739 ნახვა
საზოგადოება
უამინდობა თბილისში - ძლიერი წვიმის შედეგად, რამდენიმე რაიონში საცხოვრებელი სახლები დაიტბორა
უამინდობამ თბილისს პრობლემები შეუქმნა.
როგორც "ექსპრესნიუსს" საგანგებო სიტუაციების მართვის სამსახურში განუცხადეს, ძლიერი წვიმის შედეგად, ისანი-სამგორისა და დიდუბე-ჩუღურეთის რაიონში საცხოვრებელი სახლები დაიტბორა. ამ დროისთვის, შესაბამისი სამსახურების მიერ, წყლის ამოტუმბვითი სამუშაოები მიმდინარეობს.
გარდა ამისა, დატბორილია ვაკე-საბურთალოს დამაკავშირებელი მაგისტრალი, გმირთა მოედანი, რუსთაველის გამზირი და მიმდებარე ქუჩები.
სინოპტიკოსების ცნობით, ნალექიანი ამინდები მთელი საქართველოს მასშტაბით, 25 სექტემბრამდე შენარჩუნდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
