|
2016-09-22 10:46:44, 581 ნახვა
საზოგადოება
მერაბ ბერძენიშვილს დღეს დაკრძალავენ
ცნობილ ქართველ მოქანდაკეს, ფერმწერსა და გრაფიკოსს, მერაბ ბერძენიშვილს დღეს, 22 სექტემბერს, მისივე სახლ-მუზეუმის ეზოში დაკრძალავენ. მოქანდაკეს 14.00 საათზე ქაშუეთის წმ. გიორგის სახელობის ტაძრიდან გამოასვენებენ, მანამდე კი, 12.00 საათიდან ტაძარში სამოქალაქო პანაშვიდი გაიმართება. ცნობილი მოქანდაკე, ფერმწერი და გრაფიკოსი 17 სექტემბერს, 87 წლის ასაკში გარდაიცვალა. რამდენიმე დღის წინ კულტურის საერთაშორისო ცენტრმა „მუზამ“ ბერძენიშვილის ოჯახისა და საზოგადოების ნაწილის თხოვნა გაავრცელა - აღსრულდეს ცნობილი ხელოვანის უკანასკნელი სურვილი და მის მიერ შექმნილი დავით აღმაშენებლის ძეგლი პირველადი განთავსების ადგილს, ვარდების მოედანს დაუბრუნდეს. ცნობილი მოქანდაკე, ძირითადად, მონუმენტური ქანდაკების დარგში მუშაობდა. მის ქმნილებებს შორისაა „მუზა“ თბილისის საკონცერტო დარბაზის წინ, „კიდევაც დაიზრდებიან“ მარნეულში, შოთა რუსთაველის მონუმენტი მოსკოვში, დავით გურამიშვილის, გიორგი სააკაძისა და დავით აღმაშენებლის მონუმენტები თბილისში. ასევე, ლაოსის მეფის მონუმენტი ქალაქ ლუანგ-პრაბანგში. 1975 წელს „გიორგი სააკაძისა“ და ბოლო წლების სხვა ნამუშევრებისათვის, მერაბ ბერძენიშვილს შოთა რუსთაველის სახელმწიფო პრემია მიენიჭა. 1995 წელს დიდგორის სკულპტურულ-არქიტექტურული მემორიალის შექმნისთვის, არქიტექტორ თამაზ გაბუნიასთან ერთად, მიენიჭა საქართველოს სახელმწიფო პრემია. იყო საქართველოს დამსახურებული მხატვარი, საქართველოს სახალხო მხატვარი, საქართველოს კულტურის ფონდის პრეზიდენტი. 1983 წელს მიენიჭა თბილისის საპატიო მოქალაქის წოდება.
მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს
მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა
მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო
ლევან სუთიძე - მეუფე შიომ მხარდაჭერა უკვე კამპანიის დროს მოიპოვა
|
რედაქტორის რჩევით
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
ომი უკრაინაში
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)