2016-09-21 17:13:14, 774 ნახვა
საზოგადოება
სტიქიამ ოზურგეთის მუნიციპალიტეტს პრობლემები შეუქმნა
უამინდობამ ოზურგეთის მუნიციპალიტეტს პრობლემები შეუქმნა.
როგორც "ექსპრესნიუსს" ოზურგეთის გამგებელმა მერაბ ჭანოყვაძემ განუცხადა, ძლიერმა ქარმა საცხოვრებელ სახლებს სახურავები გადახადა, ერთ-ერთ ნაგებობას კი, ხე დაეცა. ქარმა ელექტროგადამცემი ხაზებიც დააზიანა, რის გამოც, რამდენიმე ოჯახს ელექტროენერგია არ მიეწოდება.
გარდა ამისა, ძლიერი წვიმის შედეგად მდინარეები ადიდდა და სოფელ ჭანიეთში შესასვლელი გზა დაიტბორა. მუნიციპალიტეტის ტექნიკამ შესასვლელი უკვე გაწმინდა. სტიქიის შედეგად, არავინ დაშავებულა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
