მოსკოვის ოლქში უკრაინული ორგანიზაციის “ოპლოტის” ლიდერი ევგენი ჟილინი მოკლეს, - ამის შესახებ Interfax იუწყება. 

როგორც მედია საშუალება წერს, ჟილინი ოდინცოვოს რაიონში ერთ-ერთ რესტორანში მოკლეს. უცნობმა პირმა მაგიდასთან მჯდომ ორ პირს ცეცხლი გაუხსნა და მიიმალა. ევგენი ჟილინი ადგილზევე გარდაიცვალა, მასთან ერთად მყოფი პირი კი საავადმყოფოშია გადაყვანილი. 

ცნობისთვის, 40 წლის ევგენი ჟილინის წინააღმდეგ უკრაინაში რამდენიმე საქმის გამოძიება მიმდინარეობდა. ის ცნობილი იყო როგორც ევრომაიდანის აქტიური მოწინააღმდეგე.

მიმდინარე წლის იანვარში კიევის სასამართლომ მას დაუსწრებლად წინასწარი პატიმრობა შეუფარდა და ადამიანის გატაცების ბრალდებით მასზე ძებნა გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა