"ვერავინ გაბედავს ხელის დაფარებას ვერავიზე, რადგან  ჩვენი ხელისუფლების მეთოდები ეს არ არის",-ამის შესახებ შინაგან საქმეთა მინისტრმა გიორგი მღებრიშვილმა დემურ სტურუას გარდაცვალების საქმესთან დაკავშირებით, "იმედის დროში" განაცხადა.

მისივე თქმით, ხორციელდება შესაბამისი ღონისძიებები ძებნილი პოლიციელის დასაკავებლად და ასევე დანაშაულში სხვა პირების გამოსავლენად, თუკი ასეთი ადამიანები იქნებიან.

ამასთან, მღებრიშვილის შეფასებით, არ შეიძლება ერთეული უღირსი პოლიციელის გამო, მთელ პოლიციელებს ჩირქი მოსცხონ:

"პოლიციელები დღეს და ღამეს ათენებენ,  თავისი სიცოცხლის და ჯანმრთელობის რისკის ფასად იცავენ ჩვენს უსაფრთხოებას.  ბოლომდე ვიდგები ჩემი პოლიციელების დასაცავად, ნებისმიერი ჩემს ხელთ არსებული საშუალებებით დავიცავ მათ უფლებებს, ხოლო ისინი, ვინც არღვევენ ადამიანის უფლებებს და უგულებელყოფენ ადამიანის უფლებებს, მათ საკადრისი პასუხი გაეცემათ",-აღნიშნა მღებრიშვილმა.

ცნობისთვის, დემურ სტურუამ 7 აგვისტოს თვითმკვლელობით დაასრულა სიცოცხლე. მან სიკვდილამდე წერილი დატოვა, სადაც პოლიციელის მხრიდან ზეწოლის ფაქტზე საუბრობს.  პოლიციელს პატიმრობა დაუსწრებლად შეეფარდა. მის მიმართ ძებნაა გამოცხადებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე

ვაშაძე კალაძეს - შენთვის არის წარმოუდგენელი ქუჩაში დაცვის გარეშე გასვლა

სუს-ი ირწმუნება, რომ 4 ოქტომბერს საქართველოს და მის ფარგლებს გარეთ მოქმედ პირთა ჯგუფი გეგმავდა სამოქალაქო არეულობის პროვოცირებას

პოლიციამ, მარნეულში ცრუ ჩვენების მიცემისა და ჯგუფურად ჩადენილი ხულიგნობის ბრალდებით 11 პირი დააკავა