ქიბარ ხალვაშის ადვოკატი პაატა სალია "რუსთავი2"-ის მიერ მოპოვებული დოკუმენტის ავთენტურობას არ ადასტურებს.  მისი თქმით, დოკუმენტი ყალბია.

"ქიბარ ხალვაში ცალსახად გამორიცხავს და კატეგორიულად უარყოფს მსგავსი შეთანხმების არსებობას ირაკლი ოქრუაშვილთან და რაიმე დოკუმენტზე ხელმოწერას. ის, რაც იყო "რუსთავი 2"-ის ეთერით ნაჩვენები, არის ყალბი დოკუმენტი,"-ამბობს პაატა სალია.

შეგახსენებთ, რუსთავი 2-ის ინფორმაციით, მოიპოვეს სკანდალური დოკუმენტი, რომლითაც მტკიცდება, რომ ქიბარ ხალვაშის საკუთრებაში "რუსთავი2" არასდროს ყოფილა. დოკუმენტი 2010 წლის 4 თებერვლით თარიღდება და ის ირაკლი ოქრუაშვილსა და ქიბარ ხალვაშს შორის შეთანხმებას მოიცავს. 

დოკუმენტის შინაარსს, თავად ირაკლი ოქრუაშვილი ადასტურებს. იგი ამბობს, რომ რუსთავი 2 ქიბარ ხალვაშს არასდროს არ ეკუთვნოდა. ოქრუაშვილის თქმით, სამაუწყებლო კომპანიის საქმეზე ის ხალვაშთან სასამართლო დავის დაწყებასაც გეგმავს. 

"რუსთავი 2"-ის ადვოკატებს  დოკუმენტი უზენაეს სასამართლოში დღევანდელ პროცესზე მიაქვთ. მათი მტკიცებით, აღნიშნული დოკუმენტის საფუძველზე  ტელეკომპანიის წინააღმდეგ მიმდინარე სასამართლო დავა აბსურდული ხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს