საქართველოს ყოფილი პრემიერის ბიძინა ივანიშვილის განცხადებით, სამართლიანობა პირველ რიგში „ქართული ოცნების"  გუნდს მოეთხოვება, რომელსაც გიორგი კვირიკაშვილის სახით ძალიან კარგი ლიდერი ჰყავს.

ამის შესახებ ივანიშვილმა GDS-ის  ახალ გადაცემაში განაცხადა,  სადაც სტუმრის სტატუსით მონაწილეობს და აჭარის რეგიონის  მედიის შეკითხვებს პასუხობს.

ივანიშვილის თქმით, როგორც მოქალაქე, ძალიან დიდ ყურადღებას აქცევს მთავრობის საქმინობას, რომ რაიმე უკანონო ქმედება არ განახორციელონ:

"ეს სტანდარტი დარჩა. სამართლიანობის აღდგენაზე ძალიან ბევრი გაკეთდა საქართველოში  და ძალიან დიდი მოთხოვნა და ყურადღებაა მთავრობის ყველა წევრზე, ჩემი მხრიდანაც, და საზოგადოებაც ამას უყურებს, რომ პირველ რიგში მათ დაიცვან კანონი. არც ერთ შემთხვევაში არ დაუშვან, საკუთარი თანამდებობა გამოიყენონ სათავისოდ. ის, რომ ძალიან ბევრი პოლიტიკოსი ვეღარ აღწევს, სასამართლო ჯიბეში ჩაიდოს, ივანიშვილის პატიმრები, ტყვეები, ათასი ტერმინი შემოიღეს, ამ დროს, კანონთან მაიგივებენ. კანონმა დაიწყო ქმედება, კანონს ძალა მიეცა.ეს მოიტანა ამ გუნდმა და ეს მიაჩნიათ, რომ მე ვმართავ. არა, მე არ ვმართავ, კვირიკაშვილი მართავს და ძალიან წარმატებულად მართავს, მაგრამ იგივე სტანდარტებითა და მეთოდებით. მე, როგორც მოქლაქე, ვარ ამ ხელისუფლების კონტროლი, ყველაზე მკაცრი კონტროლი",-განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს

თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა

ბათუმში სამსართულიან საცხოვრებელ სახლში ხანძარია