2016-08-26 18:38:01, 674 ნახვა
საზოგადოება
ხმაურის გამო საკრებულოს სხდომა კიდევ ერთხელ შეწყდა
საკრებულოში კიდევ ერთი ინციდენტი მოხდა.
საკრებულოში, სადაც დედაქალაქის მერის დავით ნარმანიას მოსმენა მიმდინარეობდა, სტუდენტმა ირაკლი კუპრაძემ სხდომათა დარბაზში სიტყვით გამოსვლა მოითხოვა.
სწორედ ეს გახდა კიდევ ერთი დაპირისპირების მიზეზი, საკუთარი მოთხოვნის დაფიქსირების შემდეგ ირაკლი კუპრაძე დაცვის თანამშრომლებმა სხდომათა დარბაზიდან გააძევეს.
ირაკლი კუპრაძის განცხადებით, მას ბოლო დღეებში განვითარებული მოვლენებთან დაკავშირებით აქვს საკუთარი პოზიციის დაფიქსირების უფლება.
კუპრაძემ დაცვის სამსახურის თანამშრომლები ძალადობაში დაადანაშაულა და აღნიშნა, რომ ეს კიდევ ერთი მიზეზია რის გამოც ნარმანია თანამდებობიდან უნდა გადადგეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
