მოძრაობა "პარტიზანული მებაღეობის" დამფუძნებელი ნატა ფერაძე "ექსპრესნიუსთან" საუბრისას აცხადებს, რომ მერიის წინ მყოფი ადამიანების მთავარი მოთხოვნა ეკოლოგიისა და გამწვანების სამსახურის მოწესრიგებაა და არა მერის გადადგომა.

"შიმშილობა შევწყვიტეთ, მაგრამ აქცია გრძელდება. დავით ნარმანიას რაც შეეხება, ის, უბრალოდ, დეგენერატია. მას გონია, რომ მხოლოდ ყაზბეგის გამზირზე მოჭრილ ხეებზეა საუბარი. ყველა დანარჩენ დანაშაულზეც უნდა აღიძრას საქმე. ჩვენ პეტიციაზე ვიწყებთ ხელისმოწერების შეგროვებას, რომ მერიის ეკოლოგიისა და გამწვანების სამსახურის უფროსი ნინო სულხანიშვილი და მისი მოადგილე უნდა გადადგნენ. შესწავლილი უნდა იქნეს არა მარტო ყაზბეგის გამზირზე მომხდარი ფაქტი, არამედ ყველა ის დანაშაული, რომელიც ამ ადამიანებმა ქალაქს დაუშავეს. ჩვენ არ ვუერთდებით ნარმანიას გადაყენების მოთხოვნას. პირიქით, ამას ვემიჯნებით. ჩვენ გინდა ეკოლოგიისა და გამწვანების სამსახურის გამოსწორება. ნარმანიას ამ ყველაფერში დიდი ბრალი მიუძღვის, მაგრამ გაისად არის მერის არჩევნები და კანონმორჩილად დაველოდებით არჩევნებს", - აცხადებს ფერაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს