2016-08-25 20:31:25, 661 ნახვა
საზოგადოება
გორში ახალგაზრდა მამაკაცი დაჭრეს - „შემოვიდა, დამჭრესო, მაგის თქმა მოასწრო და დაეცა“
გორში, ახალბაღის მიმდებარე ტერიტორიაზე ახალგაზრდა მამაკაცი დაჭრეს.
ჭრილობა მას ცივი იარაღით მიაყენეს.
თვითმხილველების განცხადებით, დაჭრილი ერთ-ერთ დაწესებულებაში შევიდა, სადაც დაეცა. მოგვიანებით ის სასწრაფომ საავადმყოფოში გადაიყვანა.
"ახალბაღიდან ცოტა მოშორებით დაჭრეს. აქ შემოვიდა, დამჭრესო, მაგის თქმა მოასწრო და დაეცა. სასწრაფომ წაიყვანა საავადმყოფოში", - განაცხადეს თვითმხილველებმა.
დაჭრილი გორის რაიონულ საავადმყოფოში გადაიყვანეს. მის სიცოცხლეს საფრთხე არ ემუქრება. შსს პრესსამსახურის ინფორმაციით, გამოძიება სსკ 118- ე მუხლის პირველი ნაწილით მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
