აშშ-ს სახელმწიფო დეპარტამენტი ადასტურებს, რომ ანკარასგან ფეთჰულა გიულენის ექსტრადირების შესახებ ოფიციალური მოთხოვნა მიიღო, - ამის შესახებ Reuters-ის ცნობით, უწყების ოფიციალურმა წარმომადგენელმა მარკ ტონერმა განაცხადა.

ტონერის თქმით, გიულენის ექსტრადირების შესახებ მოთხოვნა, თურქეთში 15 ივლისს განხორციელებულ სახელმწიფო გადატრიალების მცდელობას არ უკავშირდება. 

ანკარა ვაშინგტონს პენსილვანიაში მცხოვრები მუსლიმი მქადაგებლის ექსტრადირებას უკვე რამდენიმე კვირაა სთხოვს. ფეთჰულა გიულენის დაკავების ორდერი თურქეთის სასამართლომ აგვისტოს დასაწყისში გასცა. ცნობისთვის, დოკუმენტში 75 წლის გიულენს თურქეთში ამბოხის მოწყობის მცდელობა ედება ბრალად. თავად მქადაგებელი ბრალდებებს უარყოფს. აშშ კი თურქეთს ფეთჰულა გიულენის ბრალეულების მტკიცებულებების წარდგენას სთხოვს.

დღეს ანკარაში აშშ-ის ვიცეპრეზიდენტი ჯო ბაიდენი ჩადის. გიულენის ექსტრადირების საკითხმა ნატო-ს ორ წევრს  - აშშ-სა და თურქეთს შორის ურთიერთობები გაართულა. თურქეთის ხელისუფლება აცხადებს, რომ გიულენის ექსტრადირებაზე უარი ორმხრივ ურთიერთობებს დააზარალებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპას დაახლოებით ექვსი კვირის საავიაციო საწვავის მარაგი აქვს დარჩენილი

ლონდონის „არსენალისა“ და ავსტრიის ნაკრების ყოფილი მეკარე ალექს მენინგერი ავტოკატასტროფაში დაიღუპა

ტრამპმა ისრაელსა და ლიბანს შორის საომარი მოქმედებების 10-დღიანი შეჩერების შესახებ განაცხადა

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო