მთავრობის დღევანდელ სხდომაზე C ჰეპატიტის ელიმინაციის შესახებ პროექტი განიხილეს. დოკუმენტი 4 წელიწადს, 2016-2020 წლებს მოიცავს.

შრომის, ჯანმრთელობისა და სოციალური დაცვის მინისტრის, დავით სერგეენკოს განმარტებით, C ჰეპატიტის სამკურნალო ტექნოლოგიები უმჯობესდება და წლის ბოლომდე პაციენტებს შესაძლებლობა ექნებათ, ელიმიცნაციის პროგრამაში ბევრად ნაკლებ დროში ჩერთონ.

 „პროექტში არის ათეულობით მიმართულება, რომელიც ითვალისწინებს მკურნალობის, პრევენციის და პაციენტების ინფორმირებულობის კომპონენტებს. ხაზგასასმელია, რომ C ჰეპატიტის მკურნალობის მიმართულებით, საქართველო არის მოწინავე პოზიციაზე. ტექნოლოგიები, მათ შორის სამკურნალო ტექნოლოგიები, მუდმივად უმჯობესდება და წლის ბოლოსკენ ჩვენ კიდევ ერთი დიდი ნაბიჯის გადადგმა შეგვეძლება, როდესაც უკვე ბევრად მოკლე პერიოდში შეეძლებათ პაციენტებს ჩართვა. მთლიანად ადამინების რაოდენობა, ვისაც მკურნალობა სჭირდება, სამწუხაროდ საქართველო აღმოჩნდა პირველ ხუთეულში მსოფლიოში, შეადგენს 150 000-სს. 15 ათასი უკვე ჩაერთო, ან დააასრულა მკურნალობის კურსი, თუ ჩვენ აქამდე თვეში დაახლოებით 800 ადამიანის ჩართვა შეგვეძლო, ახლა უკვე შეგვეძლია 3000 ათასი ადამიანის ჩართვა და ყველაფერს ვაკეთებთ იმისათვის, რომ პაციენტების მაქსიმალური რაოდენობა მინიმალურ დროში ჩაერთოს პროგრამაში. პირველი თვეების განმავლობაში ჩართვის კრიტერიუმი იყო ის, თუ ვისაც უფრო მძიმე მდგომარეობა ჰქონდა, მას ენიჭებოდა უპირატესობა. ივნისიდან ეს კრიტერიუმი მოიხსნა და აღარანაირი კრიტერიუმი არ არსებობს და ნებისმიერს, ვისაც ეს პრობლემა აქვს შეუძლია ჩაერთოს პროგრამაში. ამოცანა არის პაციენტების მხრიდან მაქსიმალურად ჩართვა სკრინინგში”, - განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს