12 აგვისტოს რიო 2016-ზე ბატუტზე ხტომაში, ლუბა გოლოვინამ ფინალურ ეტაპზე 8 საუკეთესო სპორტსმენს შორის შეძლო გასვლა და ჯამში მე-7 ადგილი დაიკავა. 

ქართველმა ოლიმპიელმა ფინალში 51.010 ქულა მოაგროვა, ოლიმპიური ჩემპიონი კი კანადელი როსანა მაკლილანი გახდა 56.465 ქულით. 

ბატუტზე მხტომელთა ტურნირში სულ 16-მა სპორტსმენმა მიიღო მონაწილეობა. საკვალიფიკაციო ეტაპიდან ფინალურ სტადიაზე 8 საუკეთესოს შორის გოლოვინა 98.285 ქულით შევიდა.

ლუბა გოლოვინამ ოლიმპიურ თამაშებზე მესამედ მიიღო მონაწილეობა. საუკეთესო შედეგი გოლოვინას 2008 წელს პეკინში ჰქონდა, როდესაც მან ფინალურ ეტაპზე მე-6 ადგილი დაიკავა, ხოლო ლონდონში 2012 წელს მე-7 იყო.

რიო 2016-ზე 12 აგვისტოს დასრულდა ძიუდოისტთა ტურნირი. დასკვნით საშეჯიბრო დღეს, მძიმე წონით კატეგრიაში ადამ ოქრუაშვილმა იჭიდავა და პირველივე შეხვედრაში მომავალ ვერცხლის პრიზიორ იაპონელ ჰარასავა ჰისაიოშისთან 1 გაფრთხილებით დამარცხდა. მძიმე წონაში ოლიმპიური ჩემპიონი ზედიზედ მეორედ ფრანგი ტედი რინერი გახდა. 

ქართველ სპორტსმენთაგან 12 აგვისტოს დებიუტი ჰქონდა სიგრძეზე ხტომაში ბაჩანა ხორავას. ხორავამ B ჯგუფში 16 სპორტსმენს შორის მე-8 ადგილი დაიკავა, მისი მაჩვენებელი 7.77 მეტრი გახლდათ, რაც ფინალში გასასვლელად საკმარისი არ გამოდგა. ფინალურ ეტაპზე საკვალიფიკაციო ნორმატივის შესასრულებლად ხორავას მინიმუმ 8.15 მეტრის დაფიქსირება სჭირდებოდა. 

ინფორმაციას სპორტის სამინისტრო ავრცელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს