22:56 - 27 Apr, 2026
ჩვენ შესახებ რეკლამა/ხელმოწერა
2016-08-11 10:24:15, 636 ნახვა

საზოგადოება
მოფარიკავე სანდრო ბაზაძე ღირსეულ ბრძოლაში დამარცხდა

მოფარიკავე სანდრო ბაზაძემ რიოს ოლიმპიურ თამაშებზე ერთი შეხვედრის მოგება შეძლო. 10 აგვისტოს გამართულ ხმლით ფარიკაობაში ბაზაძემ 1/32 ფინალურ ეტაპზე ბრაზილელი რენცო აგრესტა დამაჯერებლად დაამარცხა - 15:3 და 1/16 ფინალში გავიდა, სადაც კორეელი ოლიმპიური ჩემპიონის გუნდურ ასპარეზობაში და ასევე აზიის ჩემპიონის - კიმ ჯუნჰვანის წინააღმდეგობა ვეღარ გადალახა. 

ბაზაძემ კორეელ მეტოქესთან დაძაბული შეხვედრა მხოლოდ 1 ქულით - 14:15 დათმო. აზიელი სპორტსმენი 14:11 იგებდა, სანდრო ბაზაზემ ანგარიში გაათანაბრებაც შეძლო - 14:14, გადამწყვეტი ქულა კი კორეელმა მოიპოვა. კიმ ჯუნჰვანი საბოლოოდ რიოს ოლიმპიადის ბრინჯაოს პრიზიორი გახდა, ოლიმპიური ჩემპიონის ტიტული კი ხმლით ფარიკაობაში უნგრელმა არონ ზილაგიმ მოიპოვა.

სანდრო ბაზაძემ ოლიმპიურ თამაშებზე პირველად მიიღო მონაწილეობა. 
"ოლიმპური თამაშებისათის განსაკუთრებულად ვემზადებოდი და წარმატების მჯეროდა კიდეც, მაგრამ სამწუხაროდ, სადებიუტო ოლიმპიური თამაშებზე ცოტა იღბალი დამაკლდა.

ნამდვილად შემეძლო კორეელი მეტოქის დამარცხება, იყო ტექნიკური ხარვეზიც, რამაც ხელი შემიშალა. დღევანდელი შედეგი  ჩემთვის იმედგაცრუებაა, თუმცა მომდევნო ოლიმპიური თამაშებისთვის უფრო მონდომებით მოვემზადები და კიდევ უფრო დიდი მოტივაცია მექნება" - განაცხადა ბაზაძემ.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ
მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული
პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა
გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics