საპარლამენტო უმრავლესობის ლიდერი გია ვოლსკი „ნაციონალური მოძრაობის“ წევრის  მიხეილ მაჭავარიანის განცხადებას, რომ „მმართველ გუნდში იმაზე მეტი „ნაციონალია“, ვიდრე ხალხს წარმოუდგენია“, სპეკულაციად აფასებს.

„ ადამიანს დააყვედრო, რომ ის ოდესღაც „ნაციონალურ მოძრაობას“ მხარს უჭერდა არასწორია. არიან ადამიანები, რომლებიც „ნაციონალების“ პოლიტიკურ ჯგუფში მოიაზრებოდნენ, მაგრამ დღეს რამდენიმე ადგილას ჩვენი მაჟორიტარები არიან. თუმცა, იმ საარჩევნო ოლქში, სადაც ეს ადამიანები არიან, საზოგადოება მათ ენდობა და ხალხს აქვს პოზიტიური განცდა ამ ადამიანებისადმი, რადგან მათ სწორი პოზიცია აირჩიეს. რაოდენობას რაც შეეხება - მიხეილ მაჭავარიანის განცხადება, რომ მმართველ გუნდში იმაზე მეტი „ნაციონალია“, ვიდრე ხალხს წარმოუდგენია - ეს სპეკულაციაა. მადლობა ღმერთს, რომ თუ ვინმე „ნაციონალებთან“ კავშირში იყო და სწორი ნაბიჯი გადადგა, ეს საზოგადოების განვითარებისთვის ურიგო ნაბიჯი არ არის. თუმცა, ბევრნი დარჩნენ ვინც ფიქრობს, რომ „ნაციონალებს“ დღეს ქვეყნისთვის სიკეთის მოტანა შეუძლია, ეს უკვე ძალიან ცუდია. სწორედ ამ პრობლემაზე  უნდა ვილაპარაკოთ და არა იმაზე, რომ ადამიანებმა სწორი არჩევანი გააკეთეს. ეს პროცესი ნამდვილად აღელვებთ მიხეილ მაჭავარიანსა და მისი გუნდის წევრებს“, - განაცხადა ვოლსკიმ.

შეგახსენებთ, რომ „ახალ თაობასთან“ მიცემულ ინტერვიუში „ნაციონალური მოძრაობის“ წევრმა მიხეილ სააკაშვილმა განაცხადა, რომ „ქართული ოცნების“ მიერ წარმოდგენილი მაჟორიტარებიდან გაცილებით მეტი იყო „ნაციონალურ მოძრაობასთან“დაახლოებული, ვიდრე ვინმეს წარმოუდგენია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი