აჭარის ა/რ მთავრობის თავმჯდომარემ ზურაბ პატარაძემ ფინანსთა და ეკონომიკის მინისტრთან რამაზ ბოლქვაძესთან ერთად, თამარის დასახლებაში ახალი სოციალური სახლი დაათვალიერა.
 
საცხოვრებელი სახლი უკვე აშენებულია. დასკვნით ეტაპზეა გარე ფასადის მოწყობისა და ლიფტის მონტაჟის , ასევე ინტერიერის სამღებრო სამუშაოები. იწყება ეზოს კეთილმოწყობა, რაც საცხოვრებელი კორპუსის გარშემო ასფალტის საფარის დაგებას ითვალისწინებს. სოციალური სახლი 10 სართულიანია. შენობაში 58 ბინა განთავსდა.
 
საცხოვრებელი კომპლექსი აჭარის ავტონომიური რესპუბლიკის ფინანსთა და ეკონომიკის სამინისტროს დაკვეთით შენდება. სამშენებლო სამუშაოებს ქართული კომპანია შპს ,,დაგი" ახორციელებს. მშენებლობის პროცესში კომპანიის განცხადებით ჯამში 400 ადამიანი იყო დასაქმებული. პროექტის ღირებულება დაახლოებით 3 მილიონი ლარია.
 
"აჭარის ფინანსთა და ეკონომიკის სამინისტროს დაკვეთით კიდევ ერთი სოციალური სახლი შენდება. თამარის დასახლებაში სოციალური სახლის მშენებლობა დამამთევრებელ ეტაპზეა. მნიშვნელოვანია, რომ სოციალური მიმართულებით არაერთი პროექტი ხორციელდება რეგიონში. 2013 წლიდან დღემდე 300-მდე ოჯახს გადაეცა ბინა საკუთრებაში"-აღნიშნა ზურაბ პატარაძემ.

https://www.youtube.com/watch?v=WKqkIHEfrm8&feature=youtu.be

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს

დიუშენის სინდრომის მქონე ბავშვების მშობლებმა საქართველოს პროკურატურას მიმართეს